買了超市過期四個月貨品, 應否投訴經理？

Jamie1138

買了超市過期四個月貨品, 應否投訴經理？

即日1pm去百佳買雪糕，4pm準備食既時候發覺已經過期四個月。可惜張單已經掉左。去到店鋪，本人已表明冇左收據，但可以提供八達通已經會員卡購買時間，店鋪可以系系統查詢，證明是否該店購買。

經理話：呢只貨，我呢度全部都系21年先到期，冇一件系呢個日期。 "得你呢個先系，你自己睇下"。
我： 但我真系買左過期四個月。

經理之後表示可以更換，但我覺得受到質疑,其實我要求經理道歉，起碼講返佢地會查清楚或者留底電話遲d答復，或者係咪員工check落。而唔系質疑你之後，先比你換。

街坊話：小姐，你都幾好笑，買野唔睇日期，出左門口先返黎黎話過期。
員工話：算啦，我地個經理已經好好人，你冇收據都肯比你換，你換左雪糕就算啦
員工2話：你都幾好彩，得一個過期都比你買到。

其實呢d字眼，令到我覺得更加委屈。我買左過期貨仲要比人咁話、比人質疑
我亦都表示要求道歉，經理話點解，而家唔系比你換雪糕嘛得咯。

最後我走左，冇換到過期雪糕。

事后，我系度反省自己系唔系要求太多，其實係咪我地應該少一事。但又唔理解商店賣左過期四月食品，一句道歉都冇。做錯事仲可以大聲過人。當我問佢：如果我食左，咁點算。 經理答復：你食左有咩事我負責咯， 你而家有冇食呀。 你唔滿意可以報警可以揾食環署。

所以抱住請教心態，想問下大家，如果系你地，會唔會投訴個經理。如果遇到呢個情況，會不會換個雪糕就算，唔需要道歉。

dragon00

冇單的確係蝕底

不過x街嘅過期貨問題都真係有少少嚴重

SY301

邊間百佳，我下次買嘢都要睇下先

wai1621

因為你冇單據，成件事上面你都有唔啱的地方
你相信自己冇呃人，但站响人地立場，就真係唔知你係咪黎呃神騙鬼，對面已經响佢立場黎講通融左俾你，所以你再企硬要人道歉，人地尊嚴上自然過不去

Jamie1138

回應 #4 wai1621

一開始都表明願意提供積分卡以及八達通號碼，收銀機一check就可以見到。如果佢話跟程序做野，我一定配合。而不是質疑完，再好似做善事咁比你換。

Jamie1138

回應 #2 dragon00

我都明白，所以一入去，唔該前唔該后。直到見到個經理既態度先開始火。我吾介意佢一開始跟足規矩唔承認，但起碼可以話需要睇cctv，睇買賣貨記錄，或者同供應商、其他分店check係咪有同樣問題。你可以調查清楚最決定我系黎搞鬼or超市真係賣左過期貨。大家打份工，都明白。而真唔應該質疑你兩三次，再俾你換貨。
個經理覺得比你換貨已經系對你好好啦；

如果其他消費者冇見到個日期，食左都好大件事。過期四個月。太誇張。今日系公司附近去第三間x佳，又見到同樣貨品過期四個月，其實都懷疑系同一批過期貨流入市場。我都已經提醒職員收返。