上個月25號晚, 當時得我一個係屋企, 有個女推銷員拍門, 話已得屋邨同意, 又話大廈已改用衛星接收,要入屋檢查電視信號,因為我一開始聽唔到佢講嘢, 又見佢係女仔, 所以開門, 點知就Lai咗嘢...
佢一輪咀用d好似好專業既語氣, 話提升咗接收, 改咗用隻鍋, 又話唔使錢, 搞到我矇查查, 以為係大廈統一一定要裝, 又話要對資料, 又話唔使錢, 之後先話隻"鍋"要4蚊, 之後又嚟多兩個女仔, 係度扮friend, 我講咗3次"我好少睇電視, 係咪一定要裝?"佢哋都話"你唔裝, 你要自己買隻"鍋"喎"......係電話核對時係咁同我講d9唔搭8既嘢分散我注意, 我問返電話個人係咪可以唔裝, 佢哋就搶個電話去聽, 又話我咁問會累佢扣分, 呃人之餘仲利用埋人哋既同情心, 好賤格!!
加上當時得一個人, 俾佢哋3個圍住, 唔知可以點, 所以就簽咗.....
第二朝先知自己俾人搵咗笨, 即刻打去無線投訴, 佢哋話我白紙黑字簽咗, 我話"你同事誤導喎", 佢話我冇證據, 個推銷員又唔認自己講過d也, 咁即係點呀, 我屈你了喎!!!
我話:我係被逼先簽, 佢竟然話: 咁我同事係咪用槍指住你?
我都知自己笨咗, 我問佢:"如果得我一個咁講, 就話我講大話, 咁如果唔止我一個, 你哋嚟洗樓架嘛, 如果好多街坊都係咁講, 咁邊個講大話呀?!" 佢答唔到我.
所以我覺得, 如果得我投訴就會俾佢哋耍走, 所以我哋一定要團結, 我已經去信"廣管局"同"消委會"投訴, 不過好明顯佢哋唔驚, 因為佢哋走法律la, 覺得我哋小市民奈佢哋唔何, 所以我決定要搵議員幫手, 嚟緊11月選舉, d議員點都會做返d嘢, 所以請各位同我一樣被無線收費電視呃既街坊, 我哋一齊去投訴, 多一個人就多一個證據, 就多一份力量, 呢d咁無良既推銷一定唔可以俾佢哋得逞, 請大家支持!!!!