[參加嶺大房屋講座有感]

folee2008

[參加嶺大房屋講座有感]

話説今日嶺南大學搞左個房屋論壇，嘉賓有前運房局局長張炳良同我地嘅“老朋友”黃遠輝，咁關注當然二話不說報名參加，順便講返而家殺到公屋街坊人心惶惶的富戶政策問題、驅趕年青人離開長者同住的問題。

是次活動坐足大半個場，起初小編仲諗咁多人關心青年住屋問題香港真係充滿盼望了。

然後前局長同黃遠輝發表一輪高見，其中主持問到黃生房委會對青年住屋問題有咩對策？黃竟然娓娓道來單身計分制如何有效篩走單身人士輪候，話兩次輪候期間覆核取消左一半申請人，所以問題唔係大家睇得咁嚴重等等，一d大家耳熟能詳的講法。

之後嘅發問環節，我地街坊好快舉手想發問(現場無咩人想發問),然後當主持想示意職員遞咪比我地時，遞咪人疑似被人制止了，跟住枝咪就一直都輪唔到我地(但街坊係一直舉緊手，無可能睇唔到)

其中有位自稱剷葉測量師的「參加者」發問，發表自己真知灼見，話年青人其實唔一定要輪公屋，應該同父母同住，建議政府立法同父母同住就有優惠回饋等等，仲話自己阿媽都好讚成佢建議(其實我點都諗唔明佢阿媽讚成咁關咩事？原來上流人士咁鍾意搬阿媽出來.....)，跟口佢講返原來佢阿媽個單位有一千呎大、又話政府點解唔將全港工廈改建比人居住，兩年就得架啦，最後不斷強調年青人要「放開d」、「睇遠d」，最後好激昂咁話「年青人應該去大灣區居住！」，然後台下拍晒手掌！(小編呢刻先知自己太天真了，現場有咁多“梅”係度

folee2008

【官商相衛，與民為敵】民政事務局無視民意，以市值三分一的地租，續租予香港哥爾夫球會。然而，土地專責小組早前就著粉嶺高爾夫球場的規劃發展，祭出兩個低密度建屋方案，並聲言會諮詢公眾。現在民政局的報告，表露了政府收回高爾夫球場欠缺決心，所謂的建屋方案淪為橡皮圖章，再一次扼殺基層市民的住屋權。

關住聯在此要求政府：
1) 收回粉嶺高爾夫球場興建房屋，停止針對新界農民及寮屋居民的迫遷；
2) 要求收回粉嶺高球場興建80000公營房屋，以取代東北發展方案。
3) 針對其他私人遊樂場租約的地點，積極考慮其可發展的可能性，並且要求繳交更高地租，並增加對外開放份額。