啟晴水龍頭未見異物 水務署稱安全居民嘲「你叫佢試下」

楊管

啟晴水龍頭未見異物 水務署稱安全居民嘲「你叫佢試下」

短片：https://video.appledaily.com.hk/...news_50_v2_240p.mp4

啟晴邨發生鉛水事件後，再有住戶發現水龍頭出現不明藍白色物質。《蘋果》於啟晴邨訪問居於不同樓宇的居民，皆指未有發現有類似物質，亦未有聽聞此事。居於康晴樓的陳生指，雖未有聽聞此事但會擔心「中招」，他指上次鉛水事件後，又發現第二次懷疑水質問題，認為政府「冇做嘢」，「唔見有做過嘢，淨係講又唔做，淨係喺你面前扮下嘢，但係實質嘅做唔到，拖又拖得耐」，對於水務署指同樣發現該物質的紅磡邨水質符合安全標準，他回應說「你叫佢試下睇下佢敢唔敢試」。

居於欣晴樓的陳小姐有三名小朋友，她指曾聽聞其他屋邨有此問題，她指自己未檢查水龍頭，未知有冇事，「如果有自己都驚，但我屋企有濾水器」，雖然水務署指同樣發現該物質的紅磡邨水質符合安全標準，不過她指「你話符合啫，我點知得唔得」，她指鉛水事件後又再發現有藍白色物質，認為政府監管不力，「如果全部都發現有呢啲物質都驚㗎，會想政府再檢查一下」。

居於康晴樓的曾生曾太指，現時未有聽聞未事， 家裏仍未有發現此物質，「冇公佈就唔知㗎啦，都係照飲」，「係驚都冇辦法，都冇跟進，跟進咗檢查咗又點呢，水務署都會話冇緊要，你又奈佢唔何」，「佢都曾經話，耐咗會影響身體健康，只係暫時見唔到乜嘢結果…… 雖然唔會即時有問題，但耐咗都會有問題，食咗啲雜質落肚，你話會唔會有問題呢」。

Gino

CindyChang

louieyue

嘔血

如水

你叫佢試下睇下佢敢唔敢x2

豆子

我屋企換喉後都發現有