擁有42吋長腿的劉佩玥,參選時已經電力十足。
2013年, 香港小姐冠軍陳凱琳 ,亞軍蔡思貝, 季軍劉佩玥。
賭王兒子何猷亨被拍到買外賣到片場探Moon班,可惜最後被好友陳瀅捷兄先登。
15年,與黃又南合作拍無綫劇《殭》火速撻着,二人更在車上談心互嘴。
拍《城寨英雄》搭上拍檔伍允龍,二人不避嫌去圓方睇戲,女方更送上門到伍允龍位於長沙灣昇悅居寓所。
早前,有傳Moon再翻撻周志文,孖住男友齊齊遊上海,連周志文全男班打籃球賽,Moon都要mark到實。
上月被爆硬撬黃心美男友陳安立,二人被拍到撐枱腳,其間有講有笑兼玩自拍,態度親暱。
與張彥博合作《一屋老友記》傳出緋聞,二男方更公開大讚Moon是他的女神。
拍攝劇集《四個女仔三個BAR》成功入屋。
人氣急升,於《幕後玩家》有機會同黃宗澤有對手戲。
13年香港小姐季軍入行的劉佩玥,入行初期就固定主持《安樂蝸》、《激優一族》等節目。14年,拍攝劇集《四個女仔三個BAR》,劇中飾演樂觀善良的見習事務律師「曾可欣」成功入屋,深得不少宅男歡心。其後更一劇接一劇,《城寨英雄》、《幕後玩家》、《誇世代》等,人氣急升被獲封新一代「女神」。
入行短短四年,憑住其熱情主動性格以及42吋長腿,劉佩玥已經擁有一條兵哥名單,先係何家公子猷亨親送外賣探班,之後劉佩玥就慣性向劇中對手出擊,好似拍劇集《殭》時,就成日搵黃又南做「柴可夫」,兩個仲被影到喺車入面談心互嘴;15年拍《城寨英雄》時,同拍檔伍允龍又公開打情罵俏,仲孖住出席對方的朋友聚會,之後連食女王周志文都唔放過,早前有傳Moon再翻撻周志文,劉佩玥收兵收開有條路,去年同張彥博合作《一屋老友記》傳出緋聞,經常孖住開live jam歌,上月Moon被爆硬撬黃心美男友兼ViuTV主持陳安立,二人被拍到於西環撐枱腳再直落到數碼港睇戲,Moon更做埋司機,車出車入。成功姣掂一班裙下之臣,真係少啲watt數都唔掂。