回應 #1 scywcl
其實講明係唔可以養的。如果你養,要有心理準備最壞打算係比人扣分,而且你隻狗仔唔見得光。唔可以吠。而且仲要睇D鄰居投唔投訴。我之前都係偷偷養。我隻狗唔吠。夜晚好夜先行樓梯到樓下放狗。而且放仲要離開自己條村。一樣比鄰居投訴。因為另外一邊養了隻迷理史立莎,成日吠。而且可以响鐵閘門隙走出來,响樓層大小便,試過响我門囗痾屎,可能因為佢嗅到我屋企有狗味。鄰居投訴,我都要接受。最後我朋友住私樓,佢知道咗。叫我比隻狗仔佢養。我衡量咗好耐。我最後係好唔捨得.但都係比咗朋友。依家每星期都去睇狗狗,見到狗狗自由自在。唔使跟著我呢個唔見得光嘅主人,我知道自己揀啱咗。
最壞打算。你真係比人投訴扣分。你會唔會為狗仔放棄自己間屋?