回應 #8 VickYeung
回應番楊經理嘅問題,我無話有咩特別要求,如果真係要計,極其量係交表時透過區議員出信,希望佢地考慮我會有計劃增加新成員,在派房時希望派到4至5人單位,而不是3至4人單位。(我現時係一家三口)
頭先我問過邨辦事處,佢地回覆話用「特別調遷」只係一個統稱,其實都當我係「寬敞戶調遷」。我對於呢個解釋好唔同意,因為事實上在房處官網都寫明根本係兩樣野,唔可能隨便一個人咁講係就係。所以我打算透過區議員反映同投訴,要求一個清楚嘅講法同界定。
至於我先前5個意願,你睇我簽名欄都知,我從來無選擇過石籬,亦因為咁感覺房處假民主兼浪費左我一次派房機會,所以我先要搞清楚佢今次派房用嘅調遷類別有無搞錯。