去到由開始登記到拿到鎖匙,完全取決你驗樓的時間是多少,驗樓快就可以早去簽租約拿匙,我驗樓睇了好耐所以差不多到最後才到我簽約,差不多五小時先可以完成交租拿鎖匙.回說驗樓係無房署職員陪同的,職員帶你到樓下就走了,叫你自己睇完就回去辦手續,但有一個人會陪你上樓,老實不客氣就入埋你屋,初初我以為係房署職員,後來佢問我想點裝修我先知原來係承仔人釘人戰術,我係打算自己DIY所以佢聽到就留下咭片走人了.室內總体來說都可以接受,1-2人單位的廰都竟然有二個燈位,最令我貼心的是花酒竟然連一個肥皂兜還有三段水力,水平都無傾斜,牆身如果不太講究都可以,但我會批過灰再油,景觀都可接受,我的單位離停車場都有一段距離,厠所按水沖厠的制氧化了,要7日內通知更換,最差的可以說是地台像月球表面,如果想舖膠地板的戶主一定要補平地台先可舖膠地板,(給自己DIY的戶主,如果不懂補平地台最好不要舖膠地板,如不舖地磚,用無蓬地板比較好,不用補平地台)提一提驗好樓簽約前會有一叠二十多頁的聲明書要填同簽名(簽到手都軟)最好先填好自己的樓名室号和簽名,就可以好快去見主任簽約了.