石硤尾公屋搵咗間房署認可裝修商鋪磚出事續
交代之前起因:
老人家好開心知道分到石硤尾邨,即刻計劃裝修,兩個幾月內先後搵咗六個裝修師傅問價,到收鎖匙個日有班掛住房署認可裝修商招牌嘅人猛sell我哋,我見4仟8蚊鋪地磁磚仲包磚,價錢好平就搵咗間房署認可裝修商.開工第一日就鋪起塊地磁磚,夜晚睇好似沙灘咁高高低低唔平我已為夜晚黑睇唔清楚,我弟朝早去睇更發現D磚面唔平彎彎地,陽光射係塊地上現晒形,即刻call負責人佢推塘話自已只負責營銷,結果搵個判頭上嚟講廢話,話塊地本來唔夠平又講一大堆專業術語嘅廢話,又話搵個泥水師傅嚟叫我自已同佢跟,過咗兩日都無人跟進,更發現有d磚仲拎得起,落去樓下辦事處搵佢,佢成日話唔得閒,等咗大半日等到佢得閒,先講到種種問題,答案都係不斷重覆嘅廢話,宜家唔知點算.
我去房署投訴裝修商佢地貨不對板,主任話"認可裝修商"只係准許在屋邨範圍開檔sell客其他事與房署無關咁話,呢d係私人糾紛,"快路"都唔會開.
