四人家庭誤信政府而棄新界輪市區

VickYeung

四人家庭誤信政府而棄新界輪市區

準戶主棄選新界樓　呻上錯賊船
誤信政府　輪市區公屋四年不果

政府誇口申請公屋三年上樓的政策一直備受詬病。有公屋輪候冊準戶主去年透過房委會一次性政策，改選排市區公屋隊，卻因市區四人及以上家庭的申請編配進度，與細單位有很大落差，他狂呻上錯「賊船」，四年未上樓。有立法會議員狠批房委會錯估市區大單位需求，放寬輪候限制造成市區隊大塞車。

讀者劉先生於2009年申請四人家庭新界區公屋單位，翌年他滿60歲轉而參加「天倫樂優先配屋計劃」，曾獲揀樓機會，但家人認為不合適放棄。

去年中，他收到房委會通知可參加特殊及一次性選擇市區公屋的措施，因信中內容「在未來數年，市區將會持續有新單位落成」十分吸引，誤信市區公屋隊多供應較快配屋，故改排市區公屋隊。惟他不滿道：「原來兩至三人同四至六人（編配進度）差好遠，轉啲人出市區，令大單位條隊好塞車」。

要等翻新空置舊單位

立法會房屋事務委員會委員李華明亦曾接獲很多四人及以上家庭反映，指輪候公屋逾三年未獲首次編配機會，「變相歧視四、五人家庭。中、大單位（供應）比例一向偏低，只係靠偶然空置舊單位翻新」。

房委會資料顯示，截至今年3月底，公屋輪候冊申請數字直逼19萬宗，當中四人及以上家庭的申請約有2.6萬宗，佔輪候冊申請的14%。該會網頁指，公屋輪候冊上市區三人家庭已接受配房的最高編號約為G1212000，四人家庭則為G1174000，相差3.8萬個，遠高於擴展市區的6,000個；新界及離島的編配則接近同步，顯示市區四人及以上的大單位編配進度嚴重緩慢。

有屋無人住濫用資源

另一讀者陳先生則發現油塘油麗邨雍麗樓一租戶，由今年初獲配單位，至今未曾裝修及入住，疑濫用公屋，質疑房屋署把關不力，浪費資源。房委會回覆，僅指公屋編配進度須視乎新建和回收公屋單位的供應情況，無回應如何解決市區大單位供求問題。

該會承認房署於今年6月底接獲油麗邨上述租戶懷疑濫用公屋舉報，已即時展開調查，倘證實有租戶違反租約條款將單位出租或濫用，會被終止租約及收回單位。2011/12年度房署共收回470個被濫用公屋單位。

「冇起六人單位好耐」

立法會房屋事務委員會主席李永達表示，房委會對市區大單位需求估算出錯，「近年（大單位）起得越嚟越少，冇起六人單位好耐，市區肯定唔夠大單位」，放寬輪候市區限制，令三萬名申請人一下子湧到市區隊，「呢部份人（四人及以上家庭）一定三年上唔到樓」。他相信問題難以短期內解決。

房委會指，現時除參加「高齡單身人士優先配屋計劃」、「共享頤年優先配屋計劃」及於「天倫樂優先配屋計劃」下選擇與年長家庭成員同住一單位的申請人外，新登記的輪候冊申請人不得選擇市區公屋。

該會去年中特殊及一次性地讓2009年9月30日或之前登記的輪候冊申請人，可按個別情況改選市區（包括香港島及九龍）公屋，約有三萬名申請人改排市區公屋隊。

建議房署檢討興建一房及兩房單位的數量比重！

hkhk

贊成市4真係好慢

sum_summer

房署每月派樓進度應加設第二，三次  ，增加透明度，方便申請人看看是否轉區………

socold

佢係未講緊2012年9月o個次放寬轉市區啊? 房署已經講明只建議2-3人轉市區喍啦
而且佢而家可以轉番擴展和新界吧

kapo

講就咁講叫返佢地轉新界又唔制...即係甘願等啦....
你要快就新界 市區就一定慢 派3次都未必有新樓

kapo

佢係未講緊2012年9月o個次放寬轉市區啊? 房署已經講明只建議2-3人轉市區喍啦
而且佢而家可以轉番擴展和新界...
socold 發表於 2013-3-6 00:49:53

問題係可以任轉...佢都要話政府呃佢...

sum_summer

願者上釣！！跟本就係想住市區，但又唔想等咁耐………

tandy

願者上釣！！跟本就係想住市區，但又唔想等咁耐………
sum_summer 發表於 2013-3-6 07:03:23

生果專搵嘢插政府，所以唔好單睇標題俾佢誤導

venny

回應 3# sum_summer

suesue33

但佢講得好正確, 四人條隊唔只市區, 連擴展都係咁啦.
冇五個月都唔會郁一郁. 每次五個月唔郁, 一年比佢浪費左幾多時間.