回應 #13 Sy563
C兄有時間可以親自去房署總部，對方問有乜貴幹？就要睇你有冇打算講真相？如果唔想提有人失職，有關部門就當你只不過係今年三月嘅申請=邊有咁快？
*事情不妨拆散嚟睇：
A。你頂唔順鄰居的騷擾，所以在去年七月已經申請調遷，可惜人為疏忽令你的事?誤了八個月！
B。寬敞戶調遷唔會等太耐，當然要視乎該邨有冇吉單位？有冇其他人排喺你前面？
C。正常調遷例如：同鄰居霎氣，就要等18-24個月，通常只有緊急調遷/社會事件獲得即時處理，個多星期就搞掂；和鄰居不睦，此人的行為令你困擾，呢啲只是普通嘢，並未構成生命危險。
D。想盡快？只能不斷地投訴，提供照片、影片，證實鄰居蓄意在你門口：掉垃圾．．．．
E。主任態度站在你那邊？呢啲表面嘢，並冇實質幫助，他應該矯正錯誤，將你原本嘅申請，攝返去適當的進度，才是真正負責任的態度。
F。假如鄰居謾罵、喊打喊殺！你感到害怕，可報警求助，警察叔叔循例：口頭勸諭雙方息事寧人。
G。咁報警又有乜好處？你取得case number白紙黑字交俾房署，這是有力的文件，證明鄰居經常製造麻煩，警民交流次數頻密，有助於你的調遷申請。
H。主任理虧在先，你只須態度堅决，語氣友善提醒對方，已犧牲咗八個月！現在只希望重拾正軌，而唔係被迫改成今年三月先至申請寛敞戶調遷。
感謝安兄的耐性！肯睇晒水蛇咁長嘅廢話
