怡明邨怡情樓一個高層單位住戶透露，由上月26日開始，樓上鄰居經常將用過的紙巾掉落樓，部分更是「有黄色濕嘅」，懷疑是排泄物。事主指母親起初自行處理就算，然而問題越來越嚴重，「一星期3、4日，26號嗰日仲一日2次，而家每日一次」。
事主形容紙巾總是跌落在窗外晾衫架的衣物和簷篷上，總共10多團，她便鋪一張帆布遮蓋衣物，未料鄰居行為卻變本加厲，帆布、簷篷、窗框和冷氣機位也滿是紙巾，令她不敢開窗。她認為樓上住戶掉垃圾的方向是「向入」，質疑對方是刻意弄污其衣物，而且是樓上一層住戶所為，「好似有心咁，正常人掉垃圾係向外，但佢就係跌晒我啲衫度，呢一個星期，我邊度曬衫佢就掉邊度。屋企又有老人家，仲有個小朋友，小朋友啲校服日日要洗，洗咗冇得曬點有校服返學呀？又唔衛生，好多病菌，大人就冇所謂，老人家同小朋友就......」
事主曾向管理處反映，但兩周以來也沒有改善，形容職員僅每天上門拍照，主任本周一（13日）亦曾上門視察，卻「做唔到嘢」，坦言為此深感困擾，「屋企老人家一發現就打嚟畀我叫我搵管理處，日日返工啲嘢都未煩完，電話又追殺，返屋企又要清啲咁嘅污穢紙巾，真係人都癲。」
她表示曾考慮裝設閉路電視，但「女人仔」不懂相關方面的知識。她和母親已報料予電視台節目，但暫時未有回覆，為此詢問網民意見，「點算，啲人係咪有問題？對上嘅住戶你有問題去睇醫生啦，唔好搞到樓下日日要見到你啲有大小二便嘅廁紙得唔得，你日日咁搞法，人哋唔使住㗎啦，唔通真係變態嘅？」
