不過地下唔係大家講水泥地交樓咁樣。之前配屋睇樓真係完全沒有任何剝落、地板痕跡…就咁黑色一疊疊水泥地…少少有可接受凹陷…但今次好似想起地磚/板又未起晒咁樣…好多磚/板痕…房署同咗我講話就係咁樣唔會再搞…請問大家收樓時地板咁多磚/板痕…水泥地又冇哂黑灰色水泥咁正常嗎?請問可唔可以請房署髹番水泥先交樓…房署係咪冇責任再搞了?謝謝各位???
參考完咁多位嘅意見…本身唔打算油油…唔鋪地板…DIY工業風入伙先…依家牆身每個角落位、邊位發晒霉又生晒銹咁…睇嚟點都要搵地方買平平地嘅料自己翻新一下???我未收配房通知已經起左上一手塊地板…留都留唔到…覺得頭暈眼花。
補充:
我係第一次上去睇樓,一路都未決定係咪要個單位、選擇房署翻新定係自己拎津貼翻新。之前只係收到配屋通知書,最近房署通知已還原上一手既野約第一次上去睇樓,今次係想搞清楚:未做翻新之前係咪就係咁樣俾下一手?呢次係第二次配屋,之前配屋個條邨,就算未搞翻新,還原後係好靚仔嘅一片接近平嘅水泥地,就算最後選津貼自己搞,我可以唔鋪野/簡單鋪膠地蓆都搞掂,呢家變左一定要買板鋪?
同埋天花同牆身,第一次配屋個間只係好少嘅黑色,而家呢間係每個角落都發晒霉有黑色斑點,明明兩幢樓只相差一年樓齡,究竟係房署還原差定上一手唔錫屋?
28/3/2023更新:
社工出面問之後,房署再上去睇過,依家話如果我搵房署翻新,會盡量幫我鋪平返個水泥地,牆只會髹發霉嘅地方,呢家「還原」就係咁樣唔會再做。
後來搵左裝修師傅檢查,廁所企缸對出牆腳滲水(見圖5),其他都只係刮花、污糟、發下霉、上手自己髹唔岩色既油。
本身諗住拎翻新津貼,但廁所牆腳滲水嘅情況需要拆咗廁所個地台,再補防水牆,都唔知個價錢會唔會好貴,所以諗緊要唔要叫房署翻新好過?? — 覺得頭暈眼花。
(寬敞戶調遷)
(代發帖)