裝修入伙問題請教

楊管

裝修入伙問題請教

1. 睇樓先知原來公屋係清水樓，有冇師兄姐可以教路點樣一步步搞掂公屋入伙前期嗰啲翻新工程？廁所、廚房、廳等係咪要各自搵唔同嘅師傅？我連去邊度搵師傅搞都唔知。

2. 請問個流程係咪
a 油油 b 鋪地板 c搬入傢電 d 全屋清潔 就ok？需要需要另外搵公司除甲醛？抑或油完油、搬埋新床開窗通風一至兩日都搞掂？

3. 經濟有困難，入伙目標以「住得人」就算，但計埋房署嘅翻新津貼、社署傷殘綜援比上公屋嘅人嘅錢，總共都係只有$15000，想請教吓大家建議有乜方法可以用呢個預算搞掂搬新屋既搬運費、買基本傢電如床褥、床架、熱水爐、窗簾軌道、花灑、抽氣扇、雪櫃，油油同地板？

4. 上網睇過下資料，個個分享入伙經驗都話前期裝修$2~3萬走唔甩，咁我只有$15000係咪連「住得人」都做唔到？?

5. 地板鋪小朋友地膠得唔得？油油聽聞可以自己油，有冇人知道可以喺邊度買到油漆？

本人未試過接觸呢方面嘅嘢...所以問多幾句，一諗就頭痛，希望各位可以集思廣益，感謝～
（代發帖）

darrain

豐儉由人……睇餸食飯……整目前需要噶先……

adel

我地兩公婆自己油油、淘寶鋪石塑地板，加埋4千左右！家私要衝量自己想要咩，買咗最緊要！

kenhuang00

回應 #3 adel

請問石塑地板安裝簡單嗎？如果是新樓，地面不平甘點算？安裝還需要在地面上加墊D咩嗎？

deaf

識買料和有基本技術，萬五元夠做。

Roy444@

紙上談兵?連組織下都唔掂 得$15000蚊就簡簡單單入伙吧❗一個安樂窩係要靠自己用心用力打做出來?

adel

回應 #4 kenhuang00

正常好似積木逐塊併埋就得，好易上手，地面唔平就唔得啦，我都係比房署鑿爛晒地面，變咗爛石屎地，照鋪地板會裂開，你都係鋪膠地板或膠地墊最穩陣，快靚正！

craiglam

有信心就問人借錢
無就照住儲多幾個月

小王SW

連邊度買油漆都唔識?

3年2組

豐儉由人