我中招了;
2012/11/2有線職員初時以九倉名義同鋪線為由, 令我媽媽讓他入來, 後來佢先話係有線為油麗邨做優惠每日只係4元, 而且佢話如果電視接收訊號有咩問題(例如收看不到電視), 有線都可免費同我地修理,如果唔係就要俾錢揾人整, 仲有佢話因為條線係佢地所以用佢地既服務, 訊號會收得好啲。
當時我聽佢咁講以為電視有咩問題可以揾有線, 所以先同佢簽約。結果我有四個台(翡翠,明珠, 本港及國際)睇唔到, 仲衰過之前。
後來我上網睇及問朋友先發現俾佢誤導, 請問各位有咩辦法, 定係我都係叠埋心水等24個月後取消合約。
我承認我自己都有啲烏Sir Sir,但唔衰都衰在, 請問大家有咩意見, 謝謝!