|
心情動態：
來自非公營房屋 |
成功揀選特快公屋
今日揀到第一志願元州邨
 今日我嗰轉出席人數約20多人，今日好多後生帶埋父母嚟一齊揀 講講今日流程先： 我9點45分揀樓，早30分鐘到場，同保安講聲會叫你坐大堂等候 差唔多10分鐘後有職員(今日係個後生既哥哥)帶我地入揀樓中心，對完身份證就可以入房睇有咩單位淨左，開始tick志願，中途會有職員嚟中心劃走已揀單位 之後9點45分會帶你去另一間房，職員會逐個叫名入去正式揀樓。如果你揀個區冇人揀，職員會叫你入去再另一間房揀左先唔使等其他人，當然熱門區域就要等候 揀完之後會有職員帶你去另一個區坐低拎暫留單位文件，完左之後就會帶你去約審查，可以約一個月內 PS我問左特快長者屋結婚調遷既問題，簽預留單位書個職員話結婚就即刻通知屋邨辦事處，理論上會安排調遷(不論3年內/3年後)（假設我冇聽錯），但就一定唔會跟擠迫戶調遷 咁詳細打完，希望幫到大家，祝大家早日上樓
|
||
|
擴1已畢業
|
|||
