注意！9大搭車自私行為！

玲flt11636

注意！9大搭車自私行為！

好多時搭巴士同地鐵，都會遇上一啲「自私的人」，呢啲人多數都唔理人嘅感受，又或者完全唔覺得自己做咗一啲騷擾咗人嘅行為。所以，大家乘搭交通工具時應該注意以下事項：
1. 聽歌、睇片、打機請用耳筒，唔好大大聲喺車廂度播。即使用咗耳筒都唔開到勁大聲，否則坐你隔離嘅人都會聽到！
2. 講電話的音量請收細，唔好傾到進入咗「忘我境界」，因為無人想知你講嘅嘢，只會覺得你好嘈。
3. 睇報紙雜誌時請顧及身旁嘅人，唔好攤大到成份報紙佔埋隔離乘客嘅位。
4. 長頭髮的女生要特別留意，尤其在地鐵行車時，好多時會有風吹過，小心長長的頭髮吹咗去隔離乘客的臉上。
5. 地鐵車廂站立時，唔好成個身挨落直立的扶手上，因為其他人都需要扶住。
6. 打噴嚏或咳時緊記用紙巾掩住口鼻啊！
7. 讓座俾有需要嘅人，唔好扮玩電話或者瞓覺而當自己睇唔到！
8. 唔好將濕嘅物件放喺座位上，例如：濕淋淋的雨傘。
9. 當你坐落座位時，認清座位嘅界線，唔好迫住隔離嘅乘客，因為無人想同你身貼身。

其實唔止九樣~~~有人仲話........................................

仲有唔好剪指甲係到彈黎彈去，好核凸！留番係屋企慢慢剪得唔得?
將個小朋友企响櫈度! 對鞋咁污糟, 有無想過下一個坐的人0既感受及衛生?

月台上, 唔好企正係比人落車果個綠色箭咀等車, 車一黎就即刻衝入去爭位坐

仲有坐巴士唔好用隻腳去頂前面個坐位, 無人想按摩

仲有食野, 食個人唔覺, 其他唔食就覺得氣味好難頂

仲有D細路成日係地鐵到捉住D扶手玩"鋼管舞",真係超乞人憎!

有啲人仲用手指撩鼻哥,挖鼻屎,好無儀態

我最討厭下面3種:
1) 上下班時間已經迫到人貼人, D人睇小陣報紙同玩小陣電話係咪會死??
2) 請先讓車上乘客落車又係咪咁難?
3) 同有幾多人知道地鐵排隊上車個位,中間係FOR人出架,唔係俾你排隊架.唔好理直氣壯當自己排緊隊啦,唔識字都睇得明地下個箭咀卦！

很多時候，有些人以為車廂只得他一人，或以為車廂是他的家，完全不理別人感受，吹脹！

玲flt11636

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

bbpooh

amythepooh

第5張和第2張好恐怖。最差是成個身挨落直立的扶手上，如果遇到這情況我會用手指整到他的身使他都知道有人要扶。

carriewwf

嚴重自私行為直頭要舉報啦！

LITTLEL

全部都親身感受過完全同意

vasto

yee

(仲有唔好剪指甲係到彈黎彈去，好核凸！留番係屋企慢慢剪得唔得＝＿＝)
勁憎呢個...

waitinglee

有啲人仲用手指撩鼻哥,挖鼻屎,好無儀態。

MaggieWong

人少時我都會做柱女,壞習慣~