翻新後簽租約

abbyyy

翻新後簽租約

想請問下早排房署預派左個翻新單位畀我，而家通知已經翻新完，可以去簽租約，係咪當日程序會依舊俾我地去現場睇左先？係自己上去定有保安之類帶上去睇？假如最後ok，係咪就即日簽完約拎鎖匙就可以即日入屋睇點裝修嘅問題？裝修要入紙申請，又想請問下如果房署批完，係咪會放入新屋嘅信箱通知？咁即係要每日都去睇有信未？安裝冷氣係咪唔需要咁快交埋申請表？因未睇裝咩型號。
另外水電煤方面係由房署攪抑或自行去攪？
Thanks

yung011

你簽約前可以睇下，舊屋邨唔洗裝修通知，我就係咁，搭棚就要通知
水電煤房署會幫你搞，其實過程好簡單，帶齊嘢去得架啦

abbyyy

回應 #2 yung011

謝謝你分享！但舊屋邨唔需要入紙申請？定係每個屋邨方式唔同？時間好似好緊迫，攪到人都好緊張，愈遲完成房署嗰邊就會遲開始裝修

mabel1890

簽約前會安排上單位睇吓，之後即時到辦事處辦理簽約手續，主任會向你講解有關事項，包括：裝修注意事項…….
如果有問題可以即時問吓主任

yung011

回應 #3 abbyyy

有咩唔明即時問主任就得

CECICCY

樓主唔好心急一步一步嚟：先係依時出現去簽約嘅辦事處報到，然後主任自然會教樓主點做；通常簽約之前會有人帶樓主去視察單位，檢查下門窗水電渠廁~如果有細節需維修稍後填表格報俾主任搵師傅搞掂。

WINKYCHAN

回應 #3 abbyyy

原則上都要入紙裝修，不過舊邨做慣做熟，如果唔係要搭棚有機會唔駛，你簽約時可以問埋主任，佢話要就即場入埋紙開得工，基本上都即批；我條邨直情唔駛，除非係裝冷氣 鋁窗要搭棚咁就要，一般裝修直接師傅上門度呎就得。

wei288

我都是派翻新单位，当天去主任会安排在看一次楼，满意的话就可以签约拿钥匙，主任说不用申请可以直接装修咯

abbyyy

回應 #6 CECICCY

一般都係檢查門窗水電渠廁？假如啲廁所或廚房啲磚爛左，佢求其搵啲好似泥封番，咁呢啲又需唔需要執？定屬於正常？因為我見房署好多時整管嘅時候啲磚有機會係爛左，就求其補完就算。睇有人分享搵人裝修，只係俾大門鎖匙，鐵閘就唔好俾，半掩就ok，係咁？

KKL906

係先上去視察單位，冇問題再簽約拎匙，你有14日免租期。
主任會問埋你如要裝修會幫你先申請一個月，一個月後你可以再打去辦事處要求延長時間，因為佢地會係大堂出通知，到時幾樓幾室會有裝修噪音。如果你唔係又扑又鑽，就唔洗理，如要搭棚需要另外申請。
單位內睇清楚翻新後廁所廚房上下角落有冇滲水。窗框、開關把手有冇生鏽老化。最後緊記睇清楚坐廁，9成都係用番上手坐廁，試下沖水順唔順，佢地就咁包個膜貼張紙注明已消毒，但又舊又有千年跡你絕對唔敢坐。
我跟我朋友一樣派舊樓，廁所一樣係二手舊坐廁，大家一樣係用疫情隱患、衛生理由去搵主任傾。朋友主任二話不說免費換個新坐廁俾佢，而我果位主任就話理由唔充分，基本上用到就冇得換，用唔到只會整番佢