麻煩各位幫忙計算一下, 萬分感激！

wggminmin

麻煩各位幫忙計算一下, 萬分感激！

2月 18050(已經扣除強積金）+1000（單親家庭，爸爸每月比子女費用，現金）
3月 18050(已經扣除強積金）+1000（單親家庭，爸爸每月比子女費用，現金）

4月 18050(已經扣除強積金）+1000（單親家庭，爸爸每月比子女費用，現金）
5月 18050(已經扣除強積金）+8550(已經扣除強積金，系特別津貼）+1000（單親家庭，爸爸每月比子女費用，現金）
6月  18050(已經扣除強積金）+ 13000(已經扣除強積金，係兩年既約滿酬金）+1000（單親家庭，爸爸每月比子女費用，現金）
7月  0  （同一公司簽左新合約，但係辦理停薪留職3個月，7-9月)+1000（單親家庭，爸爸每月比子女費用，現金）

問題一：請問係唔係甘計：
18050*5+6000+8550+13000=117800除6=19633（超左）

問題二，我見到見主任時要公司填一份表格證明薪金
但有其中一條要填過去一年有無發特別津貼
我剛巧1月份發左6000元抗疫金
尼6000會唔會有影響？
抑或會把6000除6個月，即係每個月要加1000？
問題三  如果我9月先見主任，即係加多一個8月只得1000元收入，系唔係就合格??

好煩惱
麻煩大家幫忙唸下有物方法可以唔超,多大家！！！
感激！
另外無其他收入。股票，保險等等都無~

Hk168

你係固定月薪，停薪留職，一樣要計月入＄18050，除非你辭職才可當7至9月冇收入。

Hk168

可以轉一份月薪超的新工，咁樣就不用理會舊公司的收入了，衹計新工的月薪。

Hk168

寫錯，係轉一份月薪吾超的新工。

chriszhenyb

你2月份有無涉及另外有花紅或者雙糧，主任到時會將他除以12（或者6）.呢個要留意。我之前計數以為一定無問題，他去到即刻同我加左筆數落去。

文杰0427@

我覺得你應該揾過份新工做半年再見主任！你依家份工就算停薪几耐都無用，就算審完后到派屋条數都要靚！5轉工5得

鬥長命等上樓

又會撞正而家派兩年既約滿酬金，好黑仔，停薪留職無意思，同埋你打電話房署問清楚爸爸每月比子女費用當唔當收入先好D，我見主任個時主任幫我檫左好多數，有D數未必需要計落每月收入

qs8193

1：比現金1000子女不計收入
2：政府抗疫金不計收入
3：政府任何津貼不計收入
2年約滿酬金係÷24（要証明係2年約滿酬金）否則÷12

qs8193

5月未過？6月7月又未到，已知道人工，是否去年？

Jody1017

固定月薪不會用6個月平均數計算，所以放冇薪假期或停薪留職，仍以最新固定月薪計算收入。
樓主最佳辦法係6月約滿後，7月即時簽一份收入符合入息限額的固定月薪工作，就算8月審查，只會以最新固定月薪金額計算收入，舊工一概不計。 謹記贍養費及親友資助屬收入部分。
審查合格直至派房前都要確保入息符合資格，簽約取匙時要填寫入息資產聲明，絕不能虛報或隱瞞。所以樓主停薪留職計劃絕不可行。