Babyonline

樓主不如諗諗其他解決方法，從來政府都唔係急市民所急。皇后山依家裝修如火如荼，事實都被防疫措施影響進度...
Rain-Rainbow 發表於 2022-02-10 23:56:25 原文

明白,其實我唔係話想免租,只係暫停期間交正常租金
搵搬屋公司唔會犯限聚<---個主任係唔知定點,佢叫我搵多一個人一齊搬咪得

Babyonline

咁又唔係喎，真係有人可以遲啲搬喎，我搬完大半年倒，有朋友買咗居屋又係要搬，同個主任講第三個月可唔可...
oginome 發表於 2022-02-11 04:03:59 原文

係囉,證明房曙都有例外,唔係有D人講到要揸正黎做

cakechan

回應 #62 Babyonline

所以我咪叫你用正式途徑去申請延期囉，唔係喺個電話度噏幾句就可以做到嘅！我講我前年調遷嘅經驗你聽啦，話說九月中通知及簽了新約，跟住三日後就收通知信，要由封信發出日期起（簽新約嗰日）六十日後要交回舊單位，結果因我裝修延誤，十一月搬唔到，跟住去屋邨辦事處延期，個主任就問我：「你預計要延幾耐？」我答佢一個月咁上下，佢諗咗一陣後答我「可以嘅，不過要比三倍租金，而且呢個係最後延期，到咗期你一定要搬，唔係嘅話我哋會通知執達吏喺你到期日嘅聽日嚟封屋，明白嘛？」我問佢，如果到時真係未搬得，有冇話可以比市值租金租多一個月？佢斬釘切鐵咁答「冇！一定要搬，唔係嘅話一旦封屋，你就乜都攞唔到走，你諗過⋯⋯仲有，三倍租金係你要先交咗先，跟住按每日扣，如果你喺一個月內搬走交屋，未用曬嘅日子我哋會回水比你」。你嘅經驗，我比你早已經歷過啦

cakechan

回應 #58 oginome

我完全冇否定有方法可以延期，所以我叫樓主用書面去申請，唔係透過個電話三言兩語就期望可以搞掂，同埋我剛剛講出我調遷時嘅情況，房署回覆我仲得人驚啦，出執達吏呀！但呢個係佢哋嘅機制，即使不滿，只應該對個機制不滿，而唔應該向執行嘅人，我回覆樓主嘅原意就係咁啫

oginome

回應  oginome

我完全冇否定有方法可以延期，所以我叫樓主用書面去申請，唔係透過個電話三言兩語就期望可...
cakechan 發表於 2022-02-11 14:44:50 原文

如果講個機構嘅機制（題外話，跟個機制做就係冇乜機會得，所以咪冇人跟個機制做囉，變咗個個都認為方法冇話正式唔正式，只有有效同冇效。。。所以咪成日慌張西望。。。），就算喺嗰個機構做都未必完全清楚，不過根據我個 friend 見嗰個主任講，有啲嘢佢地係要主動向住戶講清楚否則係可以投訴，而我當時冇投訴係我根本唔知我應該要由個主任得倒咩資訊同埋可以投訴，又不過，我相信房署嘅規則/條款應該寫到保佢周全，嘈都係得個桔  ，如果樓主所言屬實，咁同我情形都有啲似。
其實咁大個人，同佢嘈得嚟自己搞掂啦，仲邊咁得閒理佢涼定熱厚定薄丫。。。

oginome

係囉,證明房曙都有例外,唔係有D人講到要揸正黎做
Babyonline 發表於 2022-02-11 10:55:23 原文

任何事最後都係人去處理，就算法庭同一個官唔同日子唔同天氣佢都唔同心情唔同判法啦，就算法治最後都係人，就算你八十歲，都只可以同你講聲：大個喇，睇開啲啦。

KW2021

係囉,證明房曙都有例外,唔係有D人講到要揸正黎做
Babyonline 發表於 2022-02-11 10:55:23 原文

但佢無講清楚個例外原因！
會唔會個原因係房署問題先咁好比佢正價？

講真，全世界都面對緊疫情問題，現在以疫情問題為延遲搬屋應該無乜說服力~

harrysfwong

五個字可以幫到樓主：搵東張西望。

Kelvin174

??????