回應 MoonHeiYuet
To MoonHeiYuet 大師
Thank you
咁姐係呢幅牆(圖三
– 紅圈)都唔慌有得諗啦 ;0...
Bigeye君 發表於 2021-12-06 21:48:30 原文
鐵閘當然換得。改下款式,人地睇唔到入屋,咁門口果個空間,就可以有私隱地佔用。
廚房門隔離,你最後張相紅圈果幅牆,去屋宇署申請,又未必唔郁得喎。呢幅牆喺你屋入面,係賣了給你,確認唔牽涉主力牆,就有可能會批。
就咁睇,就唔似係主力牆。
你之前問果幅,廚房對住鐵閘果幅牆,最主要係因為果個空間,冇收你錢,業權仲係屬於房署,先唔可能會批。
你算醒目,識買呢款,細得來,
起碼大門出面闊落,有個免費空間送,
廚房、廁所係正常大細,仲有個露台仔,
麻雀雖少,五臟俱全,細單位算難得。
面積細過舊長型,但樓價貴過舊長型,
反映個價值係高過舊長型。
呢條邨,曾經係全港十大,最多凶宅屋苑之一,
我屋企人好介意呢方面的事,所以我做足功課,肯定唔會買到呢啲屋。
你係想八掛,今次你條邨,好大好大,好貴好貴果間,一出電梯就睇到咩料,睇下全層天花點樣,同人地啲鐵閘點樣封住。就知呢層樓就算冇發生過咩事,都肯定有住戶,燒野燒到好滋擾。
曱甴屋,比較出名的,總之唔喺你款單位果三座,尊重下人,唔好去打搞人地啦,都影響唔到你。
凶宅唔講喇,專重下啲先人,大家不干擾大家。
你有好奇心,上網搵下新聞,同凶宅網,都睇到好多資料。
呢啲資訊,奉勸真係唔知好過知,知道個心仲凝住,我而家經過呢啲單位樓下,都感到不安。
你要諗清楚,睇完你以後返屋企,經過會唔會有野。
最緊要,問下保安/鄰居,你果層有冇發生過呢啲事就得,其他根本就唔關你事,你又唔係無端端去人地果層。(呢啲野,其實應該買之前做)
本留言最後由 MoonHeiYuet 於 2021-12-06 23:42:34 編輯