|
心情動態：
來自皇后山邨 |
分享皇后山邨簽意向書流程
今日去馬安山簽意向書，我決定要，之前去皇后山睇過，風涼水冷，空氣好好，我地全家都好鐘意
 我諗大家都好心急想知自己嗰個單位係點，所以我今日一走左就即刻上載左啲相比大家睇左先，而家先再同大家講講簽意向書嘅流程，我記得幾多就講幾多，有錯勿怪！ 入到欣安邨，一直都會有指示牌教你點行入去辦事處，好易搵。 欣安邨裏面有餐廳，大家可以預早少少入到去食左早餐先簽意向書，過程約二十分鐘。 入到去比身份證登記，職員會比張紙你，紙上有個號碼，有十幾張櫈比你坐低等叫號碼，我前面約有5個人。另外有個職員企喺度同大家講下個流程。 壁報板上已經貼哂皇樂，皇滙同皇頤嘅資料，我都影哂比大家睇，你地睇番我今日十二點幾上載嘅相啦，為免混亂，我分開左三個帖上載，等大家易睇啲。 我都無乜問個職員問題，因為好多人已經問左我想問嘅問題，職員講野都大聲，身邊嘅人一定聽到。 而家拒絕嘅話，會即刻扣一次，我無聽到人話唔要，我眼見個個都要。如果決定要，就喺張表剔一剔同簽個名，職員話大約一月或新年前會收到收樓信，到時會比鎖匙上去睇樓，睇左唔要就扣一次，比左租金同按金先叫確實，一日未比錢就一日都可以唔要，職員係咁同我講，唔需要再去馬安山。 因為皇后山係新起嘅屋邨，到時未必有銀行同櫃員機，請大家帶定現金去收樓。 同埋我地而家係第一期，黎緊都一直會有裝修，會有燥音，會有打莊聲，沙塵滾滾，大家要有心理準備，唔可以交左租金之後就因為喱個原因唔要。 水電煤就到時去皇后山整，職員話已經會有埋水電嗰啲，去到轉個名就搞掂。職員話到時去皇后山收樓要預三四個鐘，話好多野要簽，叫我地預番鬆啲時間。 遲啲先會有皇后山嘅小冊子比我地睇，因為而家仲有好多設施整緊所以未有小冊子。 我聽到3～4人單位約320尺。 東南西北座向係計窗口，唔係計門口。有人問點解有啲一二樓嘅平面圖會有唔同，職員話可能一二樓會少左啲單位。 有間房比人簽意向書，約有五個位，都好快，二十分鐘搞掂。 溫馨提示：我今日去到馬安山辦事處，好大風，如果怕凍嘅朋友記得帶外套，尤其有小朋友，一定要帶外套。 全部職員態度都好好，有問必答，好有耐性。我喺辦事處只逗留左30分鐘左右，可能會聽錯或講錯，有錯勿怪。 |
||
|
新3 G1346
2014年3月申請
|
|||
