咁又未必喎!好似鑽石山成個地段都改有公屋,綠置居及居屋!宜家房署建的樓設計可以更改!
Roy444@ 發表於 2021-10-04 09:09:35 原文
兩個房屋階梯有微妙嘅不同。
綠置居係100%綠表,買家要用公屋1換1買。
數據上,綠置居嘅出現,對外講係對整體公屋輪候冊嘅人士無影響,因為綠置居買家要俾番間公屋政府,再派俾輪候冊嘅人。
居屋今時今日有60%白表,佢地本身無公屋拎出嚟俾番政府。
所以,好似之前綠置居係青衣同柴灣兩個盤賣唔晒,政府都好難轉去當居屋賣,因為買家有60%機會係白表,唔駛拎番間公屋出嚟,變相對公屋輪候冊嘅人士不公。如果最終賣唔去,好大機會要轉番去公屋,派俾輪候冊嘅人。變相係「租置」嘅番版。咁係好大鑊的事。
同埋政府一向有公開建築成本,「綠置居/公屋」係同一建築成本,同「居屋」嘅建築成本係兩粒數,唔會溝埋。
鑽石山係一開始已經定好左大約2/3係「公屋/綠置居」,大約1/3係「居屋」,先開始用唔同嘅建築成本興建。