港男去Speed dating 一講住公屋 全場女生黑面 慘食白果

楊管

港男去Speed dating 一講住公屋 全場女生黑面 慘食白果

住公屋是否注定「溝唔到女」？有網民於討論區發文表示，他有名男同事近日參加快速約會（Speed dating），他「都算靚仔，有啲似陳冠A（希）」，但一開口說自己住公屋，所有女仔立即黑面，最後該同事一個電話也拿不到。帖文引起網民熱議，有人質疑「似陳冠A都被黑面？」有網民則表示「住公屋先係人生贏家喎」、「公屋咁平租先儲到錢」、「住公屋好有米，可能外面有好多屋收租」。

該名網民於討論區以「有同事去SPEED DATING，一開口話住公屋，成班港女當堂黑面。。。」為題發文，指出他的男同事「好毒」，好像沒有朋友，但樣貌似昔日令所有女士瘋迷的男神陳冠希，而該同事近日參加快速約會（Speed dating），卻因說自己住公屋而拿不到任何一個女仔的電話。

帖文引起網民熱議，有人稱經常參加快速約會，雖然自己租住公屋，但也拿到女仔電話，質疑樓主所說的可信性，「咪鬼喺度怨天尤人」。

另外，有網民指出「班港女唔識貨，住公屋先係天下無敵」、「得公屋，得天下」。不少人認同住公屋才是真正的「筍盤」，稱「後生住公屋，人生贏家」、「咁如果已經買斷，市值5球嘅公屋呢？」、「我同事去速約，一開口話供緊樓，成班港女即刻走晒」。

有網民則猜測該同事真正失敗的原因，「樣似希希，無身材一樣趕客」、「就係似陳冠A先驚，要影裸照及拍片，梗係攞唔到電話」、「十幾年前的冠A抑或係現時的冠A樣子？」、「係咪生得矮」。

CardyLam

NancyCrazy

咁小姐真係住開私樓，閒閒地都按到幾百粒，係有分別，睇唔起好正常啦

donut2024

住公屋是否注定「溝唔到女」？
呢個係乜問題，全部公屋人士單身嗎？
參加得speed dating一定有要求又心頭高，個個目標清晰而去的
不想跟你遊花園也是正常，妄想去找個陪你捱麥記那！
都系認認真真自己認識一個，或叫親朋好友介紹，最安全。

cyc6776

住公屋是否注定「溝唔到女」？有網民於討論區發文表示，他有名男同事近日參加快速約會（Speed dating），他...
楊管 發表於 2021-09-14 02:59:59 原文

呢d女人執到喊三聲喇！不要也吧！！將來你生意或事業失敗咪一樣會一腳踢開你！！長痛不如短痛！找個真心愛你嘅人好過喇！！！

donut2024

呢d女人執到喊三聲喇！不要也吧！！將來你生意或事業失敗咪一樣會一腳踢開你！！長痛不如...
cyc6776 發表於 2021-09-14 09:17:47 原文

當然拉！！這些女生眼生係額頭上 唔係同一個世界揾個想法一致的更好

心急上樓52

係咁現實㗎，依家邊有人願捱喎!

WINKYCHAN

係咁現實㗎，依家邊有人願捱喎!
心急上樓52 發表於 2021-09-14 10:36:24 原文

唔係冇，但肯定唔會喺呢啲場合識到 我畀得錢去speed date唔係特登搵個白麵包呀？？

JPS123

唔係冇，但肯定唔會喺呢啲場合識到 我畀得錢去speed date唔係特登搵個白麵包呀？？
WINKYCHAN 發表於 2021-09-14 11:12:37 原文

应该糸，除非唔糸

安居62

陳冠A