回應 #13 H17kit
其實我都係靠估,只係我傾向估得悲觀啲同保守啲,廢事自己希望愈大失望愈大。
我大致上都同意你既分析,但你分析入面有啲小錯誤,不過都唔太影響你分析結果。
第1點:12000個有三份二系市區同擴展市區,即仲有4000。
12000係源於8月份有G1362會員報喜獲派富蝶,事實上仲有1362前的號碼未接受編配。而且新2暫時係最快既隊伍,如果你用市區/擴市獲編配既最高號碼嚟講,最少都有15000。
第2點:4000入面又有1人,2至3,3至4,4至6,當2至3最多人都係2000。
參考返房屋署文件。你G1377-G1379係屬於2015年9月申請,而截至2020年6月底,輪候時間為4年9個月。當時輪候時間大於5年的新界2人數量為(1800+770)2570人。而G1377-G1379屬於輪候4至5年既2200人。假設每個月既申請人數相約,用平均值計算返,即係7月初至9月底既申請人數為(2200/4)550人。總計返即係2570+550=3120人。但呢個係1年多前既數據,所以如果你估現時新2係2000人,我都覺得合理。不過你估新2新3最多2000人,我就認為唔太準確。因為截至2020年6月底,新3輪候時間大於5年既已經有(1400+1400)2800人,仲未計7月初至9月底既申請。所以同樣有機會獲派2-3人單位既新2新3人數應該無2000咁少。況且仲未計擴市見新界隊快,轉新界隊既申請呢。
再參考會員miss1314ps提供有關皇后山既資料(
https://cyclub.happyhongkong.com/viewthread.php?tid=286862),皇后山總共有4434個單位係會編配俾1-2人同2-3人的。假如全部4434個單位都編配俾新2,我絕對同意你覺得皇后山會派到你G1377-1379。
不過現實情況係4434會隨機派俾新1、新2、新3,再加上會有擴市轉入新界。但正如你所講,新界隊入面又未必個個鍾意皇后山,佢地拒絕皇后山編配,後面的申請確又會多一分機會。可惜呢啲數據全部都係未知,無辦法知亦無可能會知。所以最尾都係靠已知資料分析再估計。
而帖主問佢G1374有無可能年尾前入伙皇后山(我記錯皇后山係分3期而非2期),第1期有約6400個單位。參考返8900個單位入面有4434個單位適合2人,6400個單位應該有3200個單位適合2人。G1374應該係2015年7月,我假設佢係7月最初(7月1),而房屋署文件顯示, 截至2020年6月底,家庭隊中,新1/2/3共有(120+20+1800+770+1400+1400)5510申請係從未接受編配。
因為5510個申請從未接受編配係1年幾前既數據,所以現時絕對係少於5510。推測現時未獲編配既新1/2/3申請有大約3000。
所以我都同意你既分析,覺得有可能派到皇后山。而我傾向保守啲咁推測,計埋已獲編配但拒絕同擴市轉新界呢類未知數量既申請,會大於第一期既3200單位數目,所以我會估皇后山第一期派唔到G1374。
不過講到尾,大家都係靠有限資料去分析推測估計,大家既估計結果都有自己既理據,無話絕對啱絕對錯,始終大家資料有限,最終推測結果都係有一部份係估算,真正結果都係派到先知。但都多謝你願意分享自己既分析