其實只要唔係單位入面走，都只會標註一年就移除。
有興趣，可以在本討論區，
搵返2014年同2015年，的特快公屋選樓名單，
2014年4月，翠屏北邨 某火災發生後，
事發單位同鄰近單位，都搬走咗好多人，
之後2014年特快公屋名單上，
事發單位，標註為「單位曾發生致命火災」，
附近單位，標註為「毗鄰單位曾發生致命火災」；
一年後，2015年的特快公屋名單，
事發單位，同其中兩三間附近單位，
再次放出來，標註已變為：
「單位曾發生具心理影響事件（詳情請向屋邨辦事處查詢）」，
一年後已經冇再提，
單位/毗鄰單位發生過致命火災。
有關單位，變成寫心理影響，好可能係第一年有人攞咗，但一年都住唔落去；雖則話三年唔可以調遷，但有精神科醫生同社署社工推薦，仍然係有可能，特許三年內調遷。
點都好，事實上，呢件事又可以睇到，真係只要唔係在單位內身故，個標誌的確會一年後刪除。
