回應 #73 Hika
要有心理準備,申X都係偏向被投訴機構,真係試過投訴到申X,回覆大概話無證據顯示被投訴機構有失當,我上訴比埋證據,竟回覆我被投訴機構之前調查時所提供嘅資料有失實,但維持先前嘅結果,無失當。
而物管只會推比保安,保安又推返比物管,試過同物管經理開會講保安處理噪音滋擾情況,個經理當住房署職員面前幾公正話“點解個保安無咁咁咁做,你講發生日期時間我知,我查下。”
之後我直頭比埋片佢,條粉腸終於現形,只回覆我一句話已罰斥相關保安,提醒佢哋日後要按指引處理。
即係保安無按指引處理違規,都唔會有乜後果!
保安不斷合埋雙眼唔做,物管只會不斷回覆投訴人已罰斥及提醒。
我講以上嘅經驗,唔係想叫你乜都唔駛做,只係比個心理準備你,唔好對抱咁大期望,同樣唔好對結果失望,放鬆心情,因為係持久戰嚟。
我一家多年受滋擾嘅情況雖然未能杜絕,亦睇唔少包庇,但相比之下,近年受噪音滋擾叫做改善咗。
本留言最後由 KW2021 於 2021-10-11 00:41:54 編輯