昨日去睇樓去到眼見大約有5組人都係睇樓, 1個正在簽約, 平時見D人都話係骨心諗可能真係好舊好殘, 但係親身去睇過後真係比想像中好, 入到大堂有種和諧平靜感覺, 而且大堂同電梯有翻新過, 上到樓層走廊都好光猛同乾淨通風冇異味, 隔離左右都唔見有異常鄰居, 帶睇樓職員姐姐都話呢度雖然舊但保養得好好, 唔係度度舊樓都保養得咁好, 但係位置亦都唔算方便, 要考慮返日後返工會唔會辛苦先決定要定唔要! 入到單位感覺算OK, 因為都翻新過, 但間格就唔太好擺家具, 牆身有卜起同裂縫應該需要剷底再做, 廚房景觀開揚呢個樓層都可以晾衫在窗外(因為樓上只有一層,有人丟野整污糟D衫都會知道係邊一戶), 到睇完返辦事處, 等候期間有3組人要咗, 2組冇要, 最後考慮到返工唔方便, 間格唔太好, 同仲有兩次機會因素, 所以選擇拒絕, 但如果好急上樓獲派呢度, 其實都唔算話太差, 可考慮一下!