回應 MoonHeiYuet
我都好confused,個guideline 係點
Ylex88 發表於 2021-07-01 20:02:54 原文
理論上,租置單位仲派俾人,唔關問題單位事,
因為佢要解決業權複雜問題,佢最終每一間都要賣出去,問題單位俾額外扣人,唔係問題,最緊要賣得出。
之前佢都講過,研究俾特別折扣,吸引現有租戶買,如果都係唔願意買,會要求佢調遷,並考慮可以俾佢選擇心儀地區,可見佢係想呢39條邨,全部單位都賣晒佢,又點會話因為問題單位,唔想俾額外折扣人,而唔賣埋出去?
而且 2020年特快公屋,名單上完全冇 租置屋邨單位,可見佢問題單位,當時一樣被凍結唔派。
至於你話點解,呢排呢度派中租置的師兄師姐,大部份都係問題單位,咁或者只係因為,呢啲屋邨少人交返出來,冇事冇幹,就算人地冇買,住左咁多年,唔會貿然搬走,走得的都係發生過事,或者樓層座向冇咁好果啲。除非係減人數,而冇長者,被逼要換細,或者加人數換大,咁就有可能交返啲好野出來。
再者,近年派到冇事果啲租置單位,多數人見出面咁嘅樓價,都會買左佢啦,回流出來而冇事的單位,只會越來越少!