終於上個禮拜六收到特別調遷配房信, 我星期一walk in去睇樓, 本來管理處唔想畀我睇, 我嘈幾嘈之後就帶我入去。往後我考慮咗幾日, 自己內心話畀我聽要再博下次, 但理性上又覺得環境可以接受。
今日搞手續之前再睇一次樓, 廚房有個小小露台位, 石壆上發現有一塌黑色野, 第一感覺話畀我知係一堆屎, 但唔能夠確定。
睇完返到去管理處, 外判主任幫我搞手續, 我話再諗幾日啦, 佢話要扣免租期, 其實簡單黎講, 租就照交, 就蝕咗住幾日咁解。
我向佢打聽上手係點, 佢話上手住左一個阿婆, 佢成日執垃圾, 搞到成屋都好臭, 一大推垃圾，有曱甴有蝨, 我亦問佢有有噪音, 佢話有, 鄰居會養狗, 一行過就會狂吠, 突然我腦海裡閃過一隻獒犬的畫面。到一入夜會有鑿嘢聲滋擾, 鄰居大力拍門等。補充一下, 對面有馬路, 開窗會聽到車聲, 牆身會起泡, 廁所廚房水喉管都無換過, 表面都幾污穢, 沖廁壞壞地, 我覺得間屋翻新都幾求奇, 單位已四個月無人住。
聽完職員講解後, 我可以睇得出個單位都對佢工作上造成巨大心理陰影, 突然我記起露台上既黑色野, 終於肯定就係一堆屎。
因為我唔想後悔, 即日拒絕, 最後我參照佢意思寫咗reject理由。
因為前戶主外面過身, 房署都係會計我一次。
其實露台嗰堆黑色野已經乾咗硬咗, 好難去清理, 心理上點都會唔舒服。我等咗近三年, 拒絕首派後, 前路茫然, 可以點？
l
