sze924

我係第二派華富一邨
今日見主任問我考慮清楚未，因為兩個女响石埉尾返學，會好遠，佢比一日我考慮簽約
大家有咩意見

Sausau6

睇返網上更新, 市3最近幾個月時間冇新樓淨係派骨好似派到萬幾個號碼。如果一路咁派骨落去, 咪一年時間派到4...
Nightkeeper1 發表於 2021-06-15 01:21:49 原文

師兄你係新界，市區不停派骨都唔關你事，對你條隊無影響，你唔會特別快

Sausau6

回應 #21 sze924

你女女讀緊小學定中學？南區好多媽媽中學報銅鑼灣灣仔

jasonkkw

我係第二派華富一邨
今日見主任問我考慮清楚未，因為兩個女响石埉尾返學，會好遠，佢比一日我考慮簽約
大家...
sze924 發表於 2021-06-15 12:15:59 原文

如果就升中學既話就可以諗下，港島都幾多名校

Nightkeeper1

師兄你係新界，市區不停派骨都唔關你事，對你條隊無影響，你唔會特別快
Sausau6 發表於 2021-06-15 12:25:48 原文

我係天倫樂，可以隨時轉市區。

jasonkkw

公屋呢個世界從來都係冇得你選擇，講真派骨俾你你都係要照食，又要新又要大又要靚咪去買私樓，佢派骨起碼...
Nightkeeper1 發表於 2021-06-15 11:48:43 原文

師兄唔洗咁激動既，我不嬲都覺得加快左派樓係好，只係師兄你話派骨都好，可以快啲，我就覺得想快可以，但想派骨派多啲就唔係咁好，你可以睇我之前嗰啲留言，我不嬲都講緊舊樓好，亦都叫各位諗清楚，而唔係一味追求新樓，我好鍾意彩虹邨和樂邨嗰啲，只要唔係超低層有兇殺既，住又何妨，我亦有理性分析，至於最後佢地聽唔聽既就佢地既事，大家都係求安居，至於幾多人真係需要與否，我就無從得知了，所以我前排都有贊成加快派樓，亦有師兄師姐覺得係我地後面既人著數左，犧牲既只係前面既人，但其實而家係成條隊都慢晒，哪怕2人既都等成7年先審，咁計成8年先上樓，同4人有咩大分別！

Nightkeeper1

師兄唔洗咁激動既，我不嬲都覺得加快左派樓係好，只係師兄你話派骨都好，可以快啲，我就覺得想快可以，但...
jasonkkw 發表於 2021-06-15 12:45:30 原文

唉其實大家等公屋都等到燥，我由細到大都係九龍區，其實我都想排返市區，但無奈地見到未來市區真係冇乜新樓落成，就算市區佢哋而家加快派樓都可能要派多幾年先到我，所以我都犧牲由細到大嘅社區網絡，寧願去嚟緊比較多落成量嘅新界區.....我個號碼喺你哋後面，其實我只係希望想見到條隊會一路keep住郁吓，啱啱過去一兩年成條隊完全冇郁過真係等到人都驚.......仲有成幾萬個號碼先到自己，但已經留意左啲進度成一年幾兩年都係冇咩郁，真係驚自己咁等法要等多四五年，所以先會覺得佢派骨都好，所以如有冒犯，同你地講聲唔好意思。??

Nightkeeper1

師兄唔洗咁激動既，我不嬲都覺得加快左派樓係好，只係師兄你話派骨都好，可以快啲，我就覺得想快可以，但...
jasonkkw 發表於 2021-06-15 12:45:30 原文

呢幾年因為間公屋我犧牲咗都好多嘢，一路打散工，收入唔穩定又搵得少左，到而家仲失業，然後每個月去睇嗰個更新嘅進度，都係完全唔郁，越睇越唔知幾時先到自己，好似遙遙無期永冇終點咁....就連今次我居屋2020我都抽中咗可以去揀樓，但因為又失業呢幾年又儲唔到幾多錢，所以都只可以放棄揀樓....所以而家人生唯一最大希望就係快啲排到間公屋.....因為生活真係過得好困苦，入不敷支⋯⋯然後再見到我前面號碼啲人仲喺度左揀右揀嘅時候，先有感而發??。

jasonkkw

呢幾年因為間公屋我犧牲咗都好多嘢，一路打散工，收入唔穩定又搵得少左，到而家仲失業，然後每個月去睇嗰個...
Nightkeeper1 發表於 2021-06-15 13:32:20 原文

明既明既，我又何嘗唔係。。。但有乜計，唔排公屋都捱唔起出面啲貴租，惟有等下，希望大家都早日上樓啦，個個月都要計住有冇超，係好辛苦，唉，無錢惟有少出街，返工帶飯，有時搭車都要計住，寧願行路，師兄我完全明白你心情！

jasonkkw

唉其實大家等公屋都等到燥，我由細到大都係九龍區，其實我都想排返市區，但無奈地見到未來市區真係冇乜新樓...
Nightkeeper1 發表於 2021-06-15 13:22:43 原文

我明白你心情既，會好的，大家都辛苦了，每日壓力都好大，望住個户口得翻3位數，心諗仲點捱，等出糧，但份糧又少唔夠洗，唉，可能人哋有條件等，但我哋都好急住上樓，但邊個叫我哋遲排公屋，先嚟後到，有乜計，希望下年大家都可以上到樓，新界呢兩年都好多新樓，加油啊師兄！