拒絕首派後, 收到房署回覆

wai2513

拒絕首派後, 收到房署回覆

利申：有感而發、不喜勿插

話說早前首派順安「1444」單位，本人見到順安已經不想要了，其後才發現單位數字「唔老黎」，其實都唔係重點，因為連睇都唔想睇已經要拒絕。
我小朋友讀緊小一有ADHD，由政府機構評估的，學習能力比一般小朋友還低，進度一直不理想。所以就讀的小學都不是著重考試及成績，學校更有多樣支援給小朋友。
另外排緊政府的「精神科」進行檢查，要2022年先可以睇..
我隔日致電辦事處主任反映有關問題，佢叫我親身提交有關資料去辦事處畀佢。當日我同太太一齊去，負責主任拎紙筆叫我地將拒絕理由寫低，再轉交房署。
我的要求只是1.不想要舊式房屋，因為燈光昏暗，小朋友害怕.2想獲派同區新型房屋。(不是要新樓..只是新型的就可以)

昨日收到房署的信件...拒絕相關理由內容等，仲話如有需要，要向房署書寫申請(再審視有需要才轉給「社會福利處」跟進)? 簡直是笑話，我於拒絕信內已提供有關理由，而家唔考慮，仲要再次向佢地申請審視?
，苦等了7年幾...無能力的只有排公屋，只想有一個安樂的家，
政府都莫視民意，我都唔係要指定屋村樓層背山面海..只係想要就近區域方便小朋友返學..
唉...無奈都是繼續等2派吧......呻完..謝謝各位

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

CashB

明白

CashB

祝二派心水單位

曲奇馬

加油

fortesting

>>不想要舊式房屋，因為燈光昏暗，小朋友害怕.2想獲派同區新型房屋。(不是要新樓..只是新型的就可以)
小朋友害怕係主觀事實;想派同區新型房屋係主觀意願,睇唔出係咩可接受理由

個個都想要新(啲嘅)樓啦,房署滿足得幾多個?

遊戲規則就係咁,無核証文件就唔需要諗「有效理由」

陳貴

大家都係苦等7年，明白你心情，祝你二派心水

chan2333

祝二派心水

MANMAN221

政策就係咁衰架啦！住香港就派九龍， 住九龍就派香港，住大埔派屯門，住屯門派大埔，簡直係浪費時間 浪費人力物力，要人地拒絕到第3派硬食，叫人寫拒絕理由，但又唔接受。如果個政策更改到 可派揀選地區 或者係原區，我諗大把人唔洗捱到3派，成條公屋隊會快左超級多，好似我咁，我都唔係一定話要新樓，但求近返自己住既區架咋！所以如果首派同區我都會要

potato627

房署一直係咁運作，我之前搵晒議員寫信，搵社工，佢都係回覆我佢地係公平公正電腦抽籤！去搵社工，社工就話佢哋唔可以直接咁樣直接寫信去幫你要求，你要寫一封授權信俾房署講出嚟嘅要求，跟住要求佢哋轉介社工俾你，佢睇咗你封信覺得你需要轉介佢就會轉介社工俾你！其實好多人都係等左七年以上，好多時你想達到自己目的，就只有不怕麻煩，自己要做多步，當然覺得煩，咪等佢派囉，房署就係話佢係公平公正抽籤㗎☺️

sunny楊

明白你心情，祝你二派心水