正式簽約取匙,代表我畢業喇,
終於結束差唔多8年既遊戲。
記錄一下遊戲歷奇:
2013年申請,經過(疫情)既冰河時期
,
新樓一次又一次擦過,可以話係隔離行過。
彩和吹風之時,我早左一日轉S4,當朋友說你中彩和啦,自己心中有數,因為多得d個平台既資訊,知自己無機會,(因為唔係大批轉)有晒心理準備
,平常心。
到首派開信,只覺得好好笑,
哈-真係中(紅字)順利喎,朋友覺得好唔抵,錯過彩和,但我又唔太覺,正如六合彩(講運氣),加上唔係我目標地區。
到海達吹風之際,朋友說今次中海達啦,亦因為d個平台,一早就知自己無份,因為我正式歸隊日27/3,知道歸唔切,上次彩和爭1日,今次海達爭2日,無記錯25/3歸隊先有機會中,所以抱著平常心,無期望。
當二派轉s4時,同老公商討,我地二派如果唔係井(因囡囡有畏高)同過海,無乜大問題(例如問題單位之類),我地就會接受,所以交左比個天去決定,平靜地等收信,感恩個天比左一份完全意外既禮物
,西九之餘仲要新樓,而且低層望綠化景
岩晒囡囡既畏高。
完全無唸過會係蘇屋村,對比海達,蘇屋對我來講-更加更加方便近屋企人,一直既目標都係想近屋企人。
漫長等待既日子,真係唔容易捱,各位加油
, 感恩有你們一班戰友一起經歷&分享
, 祝大家可以完滿畢業。