jballoon

仲要比時間? 佢地話自己有好多年經驗..唔係連編好清潔時間 同交接都唔識呀比錢就係買你專業服務..樣樣都做...
alien1020hk 發表於 2021-04-16 11:24:57 原文

除咗管理處，住客本身都有好大責任，公德心呢樣野，呢度啲住戶好似無乜

MissA

新公司嘅管理真係唔多掂水
我將惠康送貨嘅紙皮箱收拾好
攞去樓下垃圾站
擺好係墻邊 跟住離開
點知個清潔阿姐叫住我 用好差嘅語氣要我將d箱擺去佢指定嘅位
我明係有指定垃圾收集嘅位
但要我攞到入去入面
好似我做埋佢嗰份咁 態度又差 又冇禮貌
走廊，電梯衛生比較起之前嗰間 好明顯係差
之前d看更有人出入會望下係唔係住客 有眼神接觸
就算唔係打招呼 都有眼神接觸
宜家d新看更 好似好怕醜咁 頭dup dup
大佬 你點認係唔係住客啊 其他街外人跟住尾入嚟 你都唔知㗎啦！
我準備聼日去投訴㗎啦
管理費識得加
但係就毫無管理

Cheung1980

charlton3288

HoiLokabc

看來咁以上咁多位都無去開業主大會, 當時係有好多間選擇, 但大部份出席的業主都選卓安, 核數司都選最平個間, 所以最好都係出席業主大會, 知道吓情況.

ik140901

Ss900

So sad

brianngai

阿媽教落平嘢冇好 , 好嘢冇平

Yanyan1015

?

Che05011

好耐無見，作為物管小薯都講下兩句。
房署對公居屋物管的清潔保安物管都係由一個部門坎處理招標的。他們不是用家，只是嘍他們的標準去決定判俾邊間公司
於是，佢地最大的準則就係價低者得。 當然佢地係有計分制的，不過只要唔係衰犯例，貪污等大鑊野，都會照用價低者得去判標。承辦商用價低投返黎，佢地點樣去維持佢地既利潤呢，最簡單的方法就係減人工，結果咪就係原先班阿姐走晒，公司又請唔到人，唔好叫佢地洗走廊，日日倒一轉都偷笑啦。
班承辦商一早捉到房署個套咪HEA做囉，你用CRMS投訴?你的意見都影響唔到投標組的人，咪意見接受，態度照舊囉。
仲有，房署盤來來去去的清潔服務承辦商都係由前房署班人開個幾間，小妹我由公屋管理公司轉到私樓管理公司之後，從來無見到係公屋做開的清潔公司被邀請去私人物業投標，以前係公屋盤做時，亦唔見到政府其他公共設施清潔承辦商或者私人物業服務承辦商投到房署物業的清潔，原因值得細味哦。

你問我點解決，你問房署，房署答你，都係早日成立法團，自己去選清潔公司。
當然成立法團後，管委會都要明白如果要有好的服務，都要先願意俾錢。我公司的法團之前都係以「價低者得」的心態黎判標，結果受盡清潔公司的嘴臉，結果決定改變，搵左間貴的公司，但質素好好多。今年續約，即使佢比另外兩間公司每月月費貴5700-7000，但法團堅持同佢續約。所以由平時買野同搵服務都係一分錢一分貨，俾好多錢唔一定會有好貨，但價低者得心態就好大機會中伏。有機會再同大家分享,BYE~