新公屋入伙大量原裝洗手盤遭遺棄 網民問:間間都豪裝?
新公屋入伙,隨之而來當然是大量的建築廢料。然而,有網民發現不少居民都棄置了公屋配置的長方形鋅盤,單單在垃圾站附近就能看到超過30個全新鋅盤被遺棄,不禁感嘆:「好浪費!」
有網民分享照片,表示:「政府公屋厨房十間九間都拆厨房洗菜盤是否要改良?真的好浪費。」從照片可見,疑似垃圾收集站的地方放置了超過30個全新的廚房鋅盤。這種鋅盤是新公屋的標準配置之一,由於是全新品,所以不少都仍貼有藍色的保護膠紙。
照片引來不少網民留言,有網民表示這種鋅盤其實很好用:「其實都幾好用吖唔明點解啲人唔要」、「我用了23年都無事,都繼續用呀」、「我用24年好好用,如果拆下房署不會幫你修理」、「我公屋屋企已住咗3x年,有次上來維修廁所。房署啲人話廚房個洗手盤好舊可免費幫我哋換。」然而有網民就持相反意見。指出:「又細又淺,唔怪得人拆」、「係實用性嘅問題,去水位太細太淺, 好容易塞」、「以前既襟好多,而家呢啲,千奇唔好斬雞,成個下塌」、「條條新邨入伙都係咁,拆門先出奇。」
有網民就將重點放到很多戶都花錢裝修上,感嘆:「公屋班人都唔係無錢,整厨房同廁所係每呎計」、「浪唔浪費就見人見至,我淨係覺得啲人好有錢」、「個個都有幾十萬裝修」、「邊個話住公屋無錢」、「十間有九間都好有錢豪華裝修才是重點」其實防止浪費有很多方法,有網民就建議政府回收並循環再用,有網民則建議政府讓租戶選擇,不打算要的部分就不用安裝上去。大家又覺得呢?