眼見白田新樓被揀剩的單位都不在心水之內，經家庭會議後決定購買居屋/綠置居。**以下係我作為白田重建戶申請居屋2020的情況，只供參考。可能有錯誤，開放討論，歡迎交流！
一. 申請
於上年經網上申請了
居屋2020（綠表），綠表要填的資料非常簡單，主要填上
戶籍資料，不用填寫"第六部分：入息及資產淨值"，最後繳交費用
$250 完成網上申請。
“第七部分：
參加房委會推出的下一個資助出售單位銷售計劃” 我建議有心買樓人士剔埋，不用再次填表交錢，就直接申請埋綠置居2020。
二. 到房署確認資料及簽名
完成網上申請後，過一段時間，房署職員會約見公屋戶籍上
戶主和所有家庭成員到白田屋邨辦事處簽署文件、補交資料，及簽署一份
聲明書（見#2帖），要戶主同意若然白田邨清拆，而新居屋單位未派樓，要自行安排搬遷同住宿，房署係唔會安排任何中轉房屋。
當日確認完，夜半2點就收到房署電郵確認我綠表申請。
三. 攪珠結果
由於在房委會公佈屋邨清拆計劃之內受影響的公屋住戶係優先揀樓，無論攪到第幾粒珠都係第一批揀，可以安心瞓覺。攪珠翌日收到電郵，同時可以上房委會網站，根據你既申請編號查看
隨機排列的揀樓次序。
https://hos.housingauthority.gov...ballot-results.html
四. 戶籍變更
揀樓之前這段時間，屋企戶籍有變，記得通知房委會
居屋銷售小組，補交資料如結婚證書、出世紙、死亡證等。
五. 拒絕揀白田新單位
白田新樓終於喺2021年3月開派，3-4月份係重建戶揀樓，大概5月會完成所有重建戶揀樓程序。
**若果揀左新公屋單位，重建戶作為第一批優先選居屋的資格會即時取消，會變為
普通綠表戶。所以我哋就無去揀樓，同時通知屋邨重建組，簽署一張回條表明不會出席揀選白田單位。居屋2020將會喺5、6月揀樓，若果到時揀唔到心水居屋/家庭突變唔買樓，可以要返白田公屋，但將會係揀剩既單位中，
由電腦隨機派發3次單位，3次都唔要就要被終止公屋租約。
六. 居屋揀樓的提前準備
由於最終居屋2020的官方售樓資料未出，大概係
正式揀樓前一個月先會出。只能到房署網站睇住資料先，亦可以喺
本討論區積極爬文，例如對重售單位東涌裕苑有興趣者，可以到相關版爬文了解該屋苑情況，上YouTube睇下航拍參考下景觀。
https://hos.housingauthority.gov...2020/tc/resale.html
成交記錄冊就可以睇到邊啲單位撤銷左買賣協議, 呢批單位將會喺居屋2020重售
計算清楚家庭入息同資產，預計可以買到幾多錢的單位，最緊要是視乎自己能力負擔去買，作最好的預備，作最壞的打算，假如經濟支柱失業面臨財困，屋企有幾多儲備去支持生活同供樓開支。
仲有搵定裝修工程公司，由於收樓後要即時向房署遞交
《遷出通知書》，在
60日內交還公屋，裝修時間就變得緊張了，若果遇上爛尾裝修就... 。如未能交還，可申請
不多於30日延期居留，要交3倍租金。
