我個人經歷分享,不喜勿插。屋企天花式浴室寶+抽氣扇兩樣都有裝,浴室寶個人覺得唯一優點係冬天衝涼可以有暖氣(老公同兩個小朋友勁怕凍)(其實香港地冬天凍嘅時間唔長,頂多一個星期到)缺點買貴、電費貴、乾衣效果麻麻(裝咗一年祇用過兩次乾衣,乾咗三個鐘一般衛衣都未能乾透,仲成幅牆都係倒汗水,可能係我唔識用。用咗兩次之後轉返用抽濕機機+開埋抽氣扇3個鐘頭後已經可以收衫囉)用浴室寶老公、仔女都衝完涼之後又成幅牆都係倒汗水。抽氣扇買平、電費平、開住抽氣扇浴室乾爽快好多。每次開完大之後啲臭味?都散得快啲,裝邊樣其實好睇每個家庭的需要而選擇。本留言最後由 hyt0721 於 2021-03-01 09:38:13 編輯