好多問題, 希望大家能幫忙解答

lkkf2003

好多問題, 希望大家能幫忙解答

大家呀，有好多疑問想問，希望可以解答，本人同妹妹一齊住公屋(我係戶主)，我結左婚但就仲未加我老婆名落公屋度，而我父母親住另一間公屋(我媽媽係戶主，1位7x歲，1位6x歲)，最近2老想抽黎緊2021綠置居，有幾個問題想問

1. 如果兩老有幸抽中綠置居(長者優先選樓)，因兩老都退休，無收入，可以借到9成半，還25年？ 如果揀完樓之後，但又係收樓前其中一位不幸離世，會唔會對收樓有影響？

2. 成功揀樓後如果兩老都不幸離世，我係咪可以承計間屋？供埋剩餘既年期？但我本身係另一間公屋既戶主，係咪會被房署收返間公屋？我間公屋無我老婆名，可唔可以由我老婆去承繼？ 如果我老婆都唔可以承繼，咁可唔可同房署講，因為我承繼間綠置居，所以我原本間公屋除名，由我妹妹做戶主？

唔好意思，太多問題，希望可以回答，祝各位身體健康，事事順心

黑到呢

Pui3336

我可以答到第2項問題

萬一你父母真的抽中綠置居 如果父母日後百年歸老 你可以承繼間屋 Btw你要刪除公屋名 而你太太係唔可以承繼公屋 因為本身你結左婚 名義係一定要用太太共同進退
即係話 你刪除公屋名義時 都要刪埋你太太名

妹妹既話 可以接你間公屋 不過都要睇返妹妹入息同資產審查...同埋到時房署都會睇埋一點 如果得你妹妹承接架公屋 如果間屋係2-3人單位 或者過大 房署有機會要求你妹妹調去一人單位

zooeleddhh

1.可以,房署擔保,無收入都得,只要還到錢。揀完樓之後會簽臨時合約,理應不會對收樓有影響。而日後其中一位不幸離世,業權會由另一位全數取得。

2.不一定,因為遺產是平均分給子女的,你和妹妹也會得到50%業權,因此你和妹妹因擁有物業而不合公屋居住資格,房署有權收返間公屋。
結婚後必須加配偶名的,你已經違反租約。請盡快自動去通知房署。不論你日後轉名又好,承計遺產也好,房署一禁機就知道。另外,遺產承計必定是直系子女優先,除非你父母寫了平安紙遺產給兒媳。但因為她是你老婆,結婚後資產是屬於共同擁有,即她有物業等於你有物業,你一樣會被取消公屋資格。
任何原因/或無原因你也可以除名，你妹妹會自動變成戶主,需要重新審查,要留意可能會因人數減少,變寬敞戶要轉細單位,或資產超額等。

P.S.要知道世事是沒有不可能的,萬一你父母立平安紙遺產給兒媳,但日後不幸離婚,你是絕對拿不回那居屋的。

lkkf2003

我可以答到第2項問題

萬一你父母真的抽中綠置居 如果父母日後百年歸老 你可以承繼間屋 Btw你要刪除公屋名 ...
Pui3336 發表於 2021-02-03 22:08:36 原文

你真好人，謝謝解答

嘉嘉20101030

回應 #1 lkkf2003

倆老其實都唔算高年齡，小心父母親睇到你咁樣發文個心唔舒服，棺材其實係裝死人嘅，唔理你年長及後生，有時唔應該擔心咁多 應該由心底祝願堅信能父母長命百歲，心情都會好，生活更美好！

內容違反「用戶守則」或等待查證/審核

楊管

回應 #1 lkkf2003

如果你遷出, 可以刪名, 改由你妹做戶主｡
(你妻子在戶籍內無名, 不能做戶主)
https://cyclub.happyhongkong.com/viewthread.php?tid=148374

註：以房署回覆/答案為準

小莉莉

hlce1317