希望恢復戶藉並擁有業權

楊管

希望恢復戶藉並擁有業權

年長的母親(父已走)多年前佢出晒所多錢買左的租置屋，20幾年前聽政府講同家姐長命契持有，我以前删左戶藉但冇搬出去住，依家母親想轉業權落我名,家姐已嫁走冇再理母親.我仲同母親同住同照顧佢.依家家姐唔理母親，母親如果走左，家姐就返黎賣屋賺幾百萬或出租賺錢，都唔明政府點解諗的政策咁失敗。其實呢個二十幾年前的呢個政策係房署一早叫人用長命契買租置屋，到仔女長大左, 依家業權分配不公問題令好多家庭成員受害，完全唔和諧，希望請高人出手，咁點樣可以加返戶藉同樓加名？明白長命契係走左自然另一人拎晒業權。問左律師就話問房署，房署就話删左名，冇得加返名就轉唔到名。搵咗好耐資料都話唔得，所以先喺呢度求辦法/意見，謝謝。
（代發帖）

YAN_YAN_LI

你都取消左户籍。租置業主名又唔係你。都冇咩好爭論啦。如果母同姐都同意嘅話。成層樓俾你都得啦。（有補地價嘅話）。冇就白居二吧。唔好爲左層樓。家人都冇得做。

kikosummer

回應 #2 YAN_YAN_LI

長命契，最後在世的人，會擁有所有業權，即是樓主家姐所以樓主心急，加番名
我就相反，外家長命契，是父母（父已過身），我早已除名，居住權有細佬
如果媽媽百年歸老後，又點呢？
業權會直接比有居住權細佬？
定要媽媽立平安紙先？
我都唔清楚

YAN_YAN_LI

回應 #3 kikosummer

理論上父母聯名契。父已過身。那樓已經變成母一人資產。可以當遺產處理。當然呢啲禁重要嘅事要搵律師作實

zooeleddhh

長命契就一定無可能,除非跟2樓的說法,阿媽家姐都同意就可能。或是你有証據証明你當年删戶藉是存在欺騙成分,當時你是在不知情下簽了删戶藉,或是其他原因導致你當年不得不失去戶藉,存在不公情況,同你家姐打官司,無論成功與否都會無左你同家姐的親情。

zooeleddhh

回應  YAN_YAN_LI

長命契，最後在世的人，會擁有所有業權，即是樓主家姐所以樓主心急，加番名
我就相反，...
kikosummer 發表於 2021-01-17 20:36:49 原文

夫妻二人以長命契的方式聯名買入物業，及後丈夫不幸離世，其業權便由妻子自動擁有。即使丈夫寫有平安紙，在遺囑列明遺產的分配，該業權也不會被視作為遺產。

居住權唔知 等唔等於業權,如果等於,即你媽媽立平安紙都無用,你細佬會最後成為繼承一方。

kikosummer

回應 #4 YAN_YAN_LI

咁我媽媽仲好身壯力健 只不過，細佬就一直係咁叫媽媽換層新樓寫佢名 當然媽媽無理佢
而且我又一直無了解，所以見有人問，順便問下

YAN_YAN_LI

回應 #7 kikosummer

平安紙麻。寫左平平安安。減少無謂嘅爭拗。就算唔寫。大吉利是講句。百年歸老後。遺產都平均分仔女。不過如果妳細佬叫到妳媽淨寫佢一個名就冇計了

kikosummer

回應 #8 YAN_YAN_LI

我睇得化，本身唔想理同爭
但我無經濟能力，自己帶住個仔，唔諗自己，都諗個仔，所以我會勸喻我媽媽立平安紙平分

型英帥靚正

贈你三個字——死心吧！