港男住公屋自卑

楊管

港男住公屋自卑

「女尊男卑」並非人人可接受，近日有女網民表示，其一名友人的男友因家住公屋而感到自卑，雖然女方家境比對方優越，但不曾介意彼此差距。然而，男方卻經常私下比較雙方家境，而且為人吝嗇斤斤計較，形容對方「又窮又自卑」，甚至「自卑變仇富」，因此猶豫應否出言勸籲朋友分手，引起網民熱議。

該名網民昨日在討論區以「香港啲男人係咪窮到傻咗？」為題發文，大呻友人的男友4大難頂之處：

1. 藉家境問題鬧脾氣

事主指男方家住公屋，而女方一家則住在私樓，批評男方經常藉此借題發揮。最近女方因工作壓力問題向男友訴苦，未料不但未獲安慰，反遭對方斥責：「我都未話有壓力，你有私樓仲壓力大？」事主不禁為友人抱委。

2. 常比較彼此家底

事主指，男方不時懷緬昔日家境風光的日子，還經常比較彼此家境，令人不勝其煩，「上到去我朋友嘅私樓屋企，會喺度講『你間房都唔係好大啫』，又成日提住自己家道中落，以前住過私樓，食開貴嘢。」

3. 為人吝嗇

她續指，每次女方到男方家中吃飯，其母親都會要求她「夾飯錢」，惟男方均無異議，亦不會主動為女友代付。與時同時，男方亦曾多次到女方家中吃飯，但也不曾「夾飯錢」，事主質疑對方雙重標準。

4. 仇富卻追求虛榮感

事主透露，經常批評依賴父母供養的年輕人是「垃圾」，又有仇富思想，辱罵愛「high tea」（下午茶）、名牌的港女是「妓女」。而最諷刺的是，男方同時又追求金錢帶來的虛榮感，「著衫要問我朋友意見，點樣睇落有錢啲！」

她列出男方的缺點後，對於擇偶條件不禁有感而發：「搵男朋友唔係一定睇錢，但又窮又自卑真係好Ｘ煩，畀我揀真係寧願揀有錢，至少門當戶對。」

工作怨天尤人

事主後來補充指，男方從事藝術行業，自覺懷才不遇便怨天尤人，從不檢討自身問題。她指對方經常與女同事比較，有次有女同事的意見獲老闆接納、賞識，他便認為老闆偏心女性，然而真相卻並非如此：「成件事嘅內幕就係，佢自己個idea（意念）超出咗老細預算個budget（預算）；而佢嘅出發點就係，idea夠靚就可以，點解老細唔理解。」

她坦言並不看好該段感情，更猶豫自己應否插手，著朋友向男友提出分手。

網民建議分手

帖文引起網民熱烈討論，不少人都批評該男士個性差劣，直言「感建分」（感情問題一律建議分手）。同時也有不少網民認為，雖然「男尊女卑」已不合時宜，但仍然有不少男性難以接受女方家境或能力比自己優秀，加上當事人個性自負，該段感情難以有好結果，遂建議二人分手。

henry96

無聊?

CJ2004

明顯唔關住公屋事吧

kikosummer

每個人觀點角度都唔同
我就覺得 得公屋，得天下
進可攻，退可守

fortesting

呢排有好多人藉討論區開啲奇怪話題搏上新聞

例如呢度都有人叫人露宿、住劏房、公務員隊養廢人等

cps05119

rickyloh

自己後生都唔發奮圖強，只識同人比較.冇反醒點解自己能力不足！

Kei海

三姑六婆食飽好多士

PP448

唔係住邊問題, 係個人問題
而家咩人都有, 尤其好多問題一定係人地度, 自己係完美
嫌屋企污糟, 但自己又凈係識坐係度鬧唔見自己郁手執, 大把呢d人, 仲永遠企係高地指指點點
自卑好易變自大, 冇錢唔係去搵而係去扮, 心態唔調節, 最後都係自己呃自己

giselle0603

寫埋呢d野又唔做d實際野係咪多鬼餘