wing0

我想問，我將會同BB繼續同個賤男爸爸一齊住，佢比錢租樓，會唔會影響我地兩母子宣誓申請？
gtamh135 發表於 2020-12-19 22:09:55 原文

要問房處最好，27122712直問，留言等回覆~!

ykbobo20033

回應 #19 gtamh135

想法真係好天真好傻。你覺得咁樣扮溫馨既假家庭
就自以為覺得個小朋友係正常家庭成長緊
實在係自己呃自己。你認為小朋友感受唔到?將來小朋友當左佢係老豆係生命中重要既人，先忽然離開咪傷害更大。
我家庭就係老豆咩都唔理又衰又食煙飲酒賭錢日日飲到爛醉返黎，成日家嘈屋閉。
我真係情願父母唔岩既離婚都無咁慘，對小朋友影響重大。
女人青春有限你要比個衰男人拖住你實後悔。
湊一個小朋友唔係咁容易，我已經生左2個小朋友，第2段婚姻。我可以話你知一個家庭真係好唔容易，跟住個衰男人成頭家都會衰，害埋仔女。你而家既決定你將來條路一定唔易行。你生完就會知自己有幾慘，面對坐月，湊住個b無人幫無人關心果種欲 哭無淚 ，晚晚對住bb喊，對住個衰男人，青春，事業，無自由，靠人睇人面色。
算啦將來你自然會明白我同你講既 肺腑之言。祝你同bb幸福真係建議你投靠政府唔洗睇人面色，搵議員社工跟進。你接受佢既金錢就現金交，有紀錄有收入 來源就申請唔到

rickyloh

有三粒星就申請得，連埋個仔都冇問題，填寫表格寄出去房署，有乜嘢唔啱或者補充，佢哋會圈住有問題的事項，叫你修改加簽，然後寄返封信去房署等藍卡

AIicechan

回應 #19 gtamh135

BB要同自已姓,租房要以自已名租,這樣不會有麻煩事,先租好屋,有地址証明,去申請綜援,再去房署宣誓,申請公屋,別提濺男,因提個男人對你無幫助反而會有好多麻煩事,明嗎？一切為了BB好,加油

ykbobo20033

回應 #24 AIicechan

岩呀自己一定要做戶主

AIicechan

搵社工幫手

bonniemok

無結婚出世紙父親嗰欄係可以加佢，不過要佢一齊去簽。嗰時宣誓係話已經同佢爸爸分開咗，獨力照顧小朋友。
不過樓主真係要唸清楚，加左要到小朋友18歲先有得改姓，除非你無唸住改番。
自己自食其力或者申請綜援好d，唔好靠男人。
同埋仲後生，真係要唸清楚生唔生，你要照顧小朋友一世的，無左好多時間同要放棄好多嘢，唔係甘易的。我就後悔寫咗跟佢姓，而家想改都無得改

gtamh135

回應  gtamh135

BB要同自已姓,租房要以自已名租,這樣不會有麻煩事,先租好屋,有地址証明,去申請綜援,再去房...
AIicechan 發表於 2020-12-19 23:40:23 原文

點解要自己名租嘅？ 同自己姓？ 會出現有什麼麻煩？
我擔心我冇乜錢租，要靠個賤男份人工去租同居

sallyjeffy

回應 #19 gtamh135

個BB跟男人姓，到時BB爸爸有其他女友甚至老婆、同其他人住、BB一樣係單親下長大、咁又好正常嗎。米自己騙自己、在單親家庭成長不可怕、好過個爸爸同媽媽一齊住但其實出面有女人、但個女人才是真女友；或住住下爸爸走左、同人結婚。

ykbobo20033

回應 #28 gtamh135

你接受緊人哋嘅供養，你有收入來源重點申請綜援。綜援唔會突然停你，養到你仔大左你咪出黎做野先取消。相反個男人突然走左你係咪企係到食風?衰男人都信得過靠得住架咩?
重要同居，佢養你有性需要話同你做，你一個唔覺意又搞多件。又無結婚關係 複雜