MAIMAI52

mc7840

回應  chaniu

當時個主任都話，照計呢啲單位係唔計1次同埋會知會我，但係佢收啲文件無資料話係可拒絕唔計...
車贏carwin 發表於 2020-11-28 13:22:48 原文

就係你之前話延期等通知個單位 ?

車贏carwin

回應 #32 mc7840

是呀！東滙邨嗰個，原本27號滿心歡喜去取匙收樓，個管理員姐姐帶我去睇樓，咁梗係順便問吓，照計住住吓無理由唔住㗎，佢咪問我係咪特快，我話唔係，正常隊等咗15年了，跟住佢就話個單位係個阿伯喺屋內走咗的，俾送飯啲人嚟發現，有報警，佢話無乜問題嘅，因為警察查過都無咩問題，好快俾番間屋佢地，但係件事發生喺3個零月度，咁你話點接受呢？後來回辦事處，個主任都問我，房署無通知我咁狀況咩？我話無，重計我正常配屋，拒絕計一次機會喎，我咪話咁對我好唔公平，個主任話幫我搵房署嗰便問，而家佢就話房署口頭上講咗話唔計一次，咁我話會唔會有信通知，佢話唔會，房署會通知佢再由佢打電話俾我confirm, 而家都未知咩情況!唉！咁你配咗樓未呀？

mc7840

回應 #33 車贏carwin

咁你一定要爭取，無理由不知情下就計一次。我派左藍田德田村，情況好似你一樣等緊翻新。
早前入屋睇左環境，都好滿意 (面積夠大)，如無意外都會接受。
不過，都係要等翻新後上去睇清楚再決定。

車贏carwin

回應 #34 mc7840

弓起你呀！德田都算好，係舊啲啫，藍田幾好住㗎，我以前住德田對面舊藍田邨，睇住德田起的，而家藍田交通同設施都好完善。如果無特別嘢，真係幾得㗎，。都唔明有新樓派都派唔到俾我地!我諗海達1，2人跟本無閞派過。而家公務員又work from home.我唔知又等到幾時了!！

mc7840

回應 #35 車贏carwin

我都覺得藍田幾好，我派德欣，喺山上面，空氣真係唔錯。樓齡唔算舊(2001)間格非常實用，我反而覺得新樓實在太細。我觀塘返工所以都好方便。不過就唔知個單位要翻新到幾時？
雖然WFH，但應該唔係完全停頓工作，祝您盡快派到心水樓 。

車贏carwin

回應 #36 mc7840

德欣重好呀！比其他座新，因為當初係用咗個停車場地，專登起來安置舊藍田5，6座居民，後來去睇過覺得家庭單位比較細，所以好多人都選油塘，放棄原區安置，但係啲細單位同1，2人都好四正。應該大過而家嗰啲1，2人，我去東滙睇嗰個，長約11呎，闊約6尺多啲，目測都係擺到張4尺牀，一張枱，一個柜。非常細，好唔理想。加上嗰個原因更加要放棄。不過要留意，嗰度近正山，霧氣濕氣會重啲，睇吓使唔使預備抽濕機了。藍田真係好好住的

fortesting

回應  車贏carwin

我都覺得藍田幾好，我派德欣，喺山上面，空氣真係唔錯。樓齡唔算舊(2001)間格非常實用，...
mc7840 發表於 2020-12-02 17:51:59 原文

德欣非常好,成個德田邨最新就係呢棟
P.S. 住緊德田,來緊會搬

ayby

回應  mc7840

是呀！東滙邨嗰個，原本27號滿心歡喜去取匙收樓，個管理員姐姐帶我去睇樓，咁梗係順便問吓，...
車贏carwin 發表於 2020-12-01 23:21:46 原文

醫院走佢地唔計的

車贏carwin

回應 #39 ayby

我之前留言寫得好清楚了，喺間屋度去咗先俾人發現。仲要唔夠1個月就配俾我，而家房署都出咗信通知唔計一次。