樓上經常半夜製造噪音並大鬧粗口

CarrieChan_cy

樓上經常半夜製造噪音並大鬧粗口

我同仔仔上年年尾搬到豐和邨，住二十幾樓

一直住落都冇理樓上有冇噪音，間中跌下野好正常

但係最近一兩個月樓上有個女人大概會於夜晚九點幾十點鬧，而且鬧到呯呯聲

第一次我冇理，可能教緊小朋友，第二次開始驚有小朋友被打，所以多事同管理人員講，可能咁樣唔小心得罪左樓上既住戶…

管理人員上樓上禁鐘，再向我交待返情況，管理員表示到左樓上之後住戶已經無聲，而且禁鐘都冇應門

事後管理人員離去，樓上住戶亦立即於窗邊大鬧，依稀聽到佢鬧話我好嘈，但係我仔仔要返學，基本上我地晚上九點至九點半已經訓左覺

住我隔離既一位叔叔當晚亦被嘈醒，佢都向管理處投訴左，不過同樣情況，該位住戶都係冇哂聲，冇應門… 叔叔話打去房署投訴，請問各位試過？作用大唔大？

樓上住客話我嘈，請問各位有冇呢種情況？基本上樓上洗衫我都唔會聽到有洗衣機聲，我都唔係好明白，點解佢會聽到我地有聲同肯定係我地嘈

最近有次連中午四點幾都響窗邊鬧我地嘈，但我同仔仔只係剛午睡起身

最近經常被樓上影響我地既睡眠質素，仔仔亦被嚇醒過…

請問大家有冇同樣情況發生過？如果報警求助，我又好驚佢會報復我地…可以點樣做？

感謝!

黑到呢

lamchauho

煮野前剁野聲向上傳...我樓下成日係咁(已確定),其他唔會
佢教仔教到神經病嘛,自己嘈話人嘈,當你冤枉佢

tkwmb

報警煩到佢地要開file, 怕半夜收電話, 又怕變被告

kikix

妳打去屋邨辦事處投訴可以匿名架嘛, 唔使同房署講你係邊個。只投訴邊個單位咁就得。
如果佢哋唔理妳就打去1823, 一樣可以匿名。
若有需要跟進便問1823職員攞檔案編號, 自己稍後打去查進度便可。

CarrieChan_cy

回應 #3 lamchauho

佢有時凌晨一點幾嘈，有時凌晨四點幾嘈，好困擾…

CarrieChan_cy

回應 #4 tkwmb

係呀，都唔敢做d咩，錄哂音，不過冇用，一定要有管理人員上到去都仲聽到先有用，不過都係口頭警告

CarrieChan_cy

回應 #5 kikix

好呀，唔該哂你?‍♀️岩岩問左隔離屋叔叔，佢話房署同佢講有咩事打電話搵管理員先，房署亦反問佢做乜成日投訴，好似反而覺得叔叔有問題…(因為我樓下單位有住戶都騷擾過叔叔，所以佢都同房署投訴過)

naominaomi

lamchauho

回應 #8 CarrieChan_cy

你越唔投訴佢地越囂張，結果仲衰，問題係佢地度