人有處女/男情意結,我明既。
同樣地,有部分人都有新樓情意結,如果係你既話就可以上一頁。
正題
二派 新田圍邨,40年樓齡,
我冇處女情意結,純粹考慮既係岩唔岩住,
所以派樓前,上去行一轉
查地圖知道佢位於大圍沙田附近,車公廟站上去要行十分鐘斜路,沙田/大圍/車公廟站都有車到,唔算好方便,但交通絕對唔係問題。
到步後,直上所派大廈
地下大堂係舊,十零年左右,但絕對乾淨
同lift都係香港人,純正廣東話,都係一啲上左年紀既EE買餸返屋企。
咁岩有個同層,捉左佢傾吓偈。EE表示,住左十幾年,都住得好舒服,介紹呢度點好點好,好好傾,又帶我地去唔同地方睇風景,好歡迎我地做鄰居,感覺都良好,加分。
講返環境,樓層走廊非常通風,直頭去到大風添,走廊地方亦好乾淨。
因為未有得入屋,行完就落左村行周圍環境。
8掛問人,樓下商場買左,岩岩開始裝修,值得期待下
樓下暫時得間百佳同7仔加個蚊型街市再加個冬菇亭餐廳。
行左個圈,係幾多老人院,但綠化同清潔情況都好好。
成個過程,一句普通話都冇聽到,大大加分!
到左派樓日:8號風球
改後一天
到左後安排到單位睇,保安姐姐帶上樓,好好傾,姐姐都係同村人同樓下保安姐姐都係做左十幾年,又好禮貌又認得人。
到單位睇睇,風景非常開陽,除左個地板,全屋都係新裝,包括水電門都係新!
個地係舊,但狀態非常之好。(可以睇附圖)
立即同落樓,要!
總結
舊村未必方便,但交通及附近配套都發展成熟
同村環境清靜,空氣清新
好彩,同層冇麻煩人
座向同風景都好好
缺點:老人院多,商場起緊,交通唔算方便