|
心情動態：
來自凱德苑 |
大家會換電子鎖嗎， 有什麼推介 如果自己間新屋都係用呢種機關門, 個款一般般麻麻地都好, 我就唔會換喇 再回覆引用原文: 防盜上越方便自己, 就越方便賊人; 但越方便顧客, 產品就越好賣 依家「非正式」開智能鎖方法主要係兩個: 特斯拉線圈, 膠片 特斯拉線圈主要針對設計問題: 「通電就等於開鎖訊號」 要改善好容易, 就係轉用複雜啲既訊號, 不過只有生產商做到 呢個漏洞喺2018年6月發表, 相信大品牌喺呢個時間之後出既型號都已經解決咗呢個漏洞 膠片主要針對手柄形門鎖, 用物理方法扮喺室內開門 一般智能鎖設計到喺室內開門超方便, 就好似無鎖到咁, 一開就開到, 而呢個就係問題所在 揀啲喺室內開門都要撳住個掣, 或者要先做啲咩解鎖果啲就最好 依家新嘅電子鎖, 功能上已經無乜大分別, 只要不被上述兩個途徑破解到, 現時黎講都好安全 所以揀鎖最重要係三樣野: 睇外型, 睇價錢, 睇手感 Style 既野, 我識條鐵咩, 有人話Samsung 推拉門鎖靚, 有人話小米長長門抦靚, 各花入各眼 價錢方面又無乜大分別, 都係三千幾到五千幾, 真係求其揀一個都差唔多 反而自己去鎖店試試推下拉下個鎖, 邊款啱自己發力習慣先係最重要 好, 講咗咁多, 結論係廢話: 「自己去睇啦」, 簡直係撩交打  我有心水既, 牌子叫 Lockly, 佢個 「防望住你入密碼」技術係比較特別 而且有正就有反, Lockly 呢個「一個掣代表三個數字」技術可以令人睇到你入咩密碼, 但唔知你入咗咩密碼 但由於佢一個掣代表三個數字, 白撞既人入一個八位數密碼, 去撞正常9公格鍵盤, 撞中密碼機會係1億份之一 而呢個Lockly 就係15242份之一, 一邊保險咗, 另一邊又危險咗, 有好有唔好 當然, 考慮埋呢點: 自己屋企個智能鎖... 有幾可會用密碼開門丫, 呢個密碼技術完全唔係重點, 甚至可能多餘 所以, 結論都係果句: 建議自己去鎖店試試手感, 手感先係最重要 最後一句: 指紋太淺既話(例如過關用E道會有時識別唔到), 記得揀3D指紋識別技術, 唔好揀光學 |
||
|
|
|||
