今日終於交鎖匙驗樓喇！
驗完樓貼滿紙仔，一貫啲花痕/起級/崩呢啲就唔講喇，講吓今次驗完比較特別要注意的地方啦～
1. 開放式廚房的抽油煙機喉係無駁到出外面的，所以抽完煙係會倒流番入屋。
2. 抽油煙機裝漏咗個濾芯（左右兩邊都應該有黑色的網罩的的）
3. 地板有釘外露，要小心。
4. 啲磚邊位要小心摸吓有無界手。
5. 露台玻璃門裝漏防水膠邊/膠邊爛，同埋門框地下會積水。
6. 窗口式冷氣機的窗邊都有缺口會漏風。
7. 坐厠水制未能1按沖晒所有水。
以上就係我覺得需要特別注意的地方。
題外話： 房協個職員話用APP申請執漏會快啲，3-5工作天，交表格的話就要5-7工作天，所以我自己就跟住個驗樓報告喺APP度入番，同埋APP可以影低相，方便啲睇咩問題，不過個APP好易彈APP(iphone11)，好在都會自動save低，用佢需要俾啲耐性。
