簽約當日去邨辦,會先安排看更帶你(地)上單位,睇,如果冇註明係翻新中單位係可以入屋睇,正常開下水喉沖下廁睇下有冇邊度漏水/明顯有問題;睇完就返落邨辦,職員會cfm你係咪要個單位,係就會請主任出嚟同你(地)講解簽約,需時約一個鐘;流程嘢主任會lead住一直講解,有唔明可以問,基本就係一直簽名簽名同簽名???配房信夾附張入息/資產證明要交返,可以自己填咗先,唔駛證明文件,只要誠實申報,如果唔識都可以請主任現場指點教你填;記得帶申請人+家庭成員身份證 帶錢交一上期一按金(配房信有列明) 同埋申請人帶兩張證件相。