呢條14B有好過無, 但係每朝得一班車, 好多居民的日常需要都未解決到.
例如去觀塘巿中心呢D, 好應該有全日線先係.
如果係要做學生客, 咁好應該將成條14D總站由彩虹搬去彩福,
一次過做晒四順, 秀茂坪, 藍田, 油塘的學校.
而家呢條14B做唔到順利邨果頭的學校區,
當然去油塘應該快過14D遊山既....
如果係去巿中心, 點解唔方便埋去創紀之城, 牛頭角站果頭?
仲有我好相信彩福去聯合醫院都好大需求,
長遠好應該搵埋23M, 26M呢兩條同其他線重疊得好勁的巴士線
一併重組, 做一條可以全日去到四順, 聯合醫院, 協和街, 觀塘巿中心, 牛頭角的循環線.
順得歌情失嫂意, 區議員同時要照顧樂雅苑的利益,
又只係爭取到一班車, 呢班14B當然就只能夠彩福開上樂華再落觀塘巿中心...