睇一睇啱啱綠置居推出嘅單位，最細得百幾呎，有港島（柴灣）但成個屋苑最大居然都係得320呎，另一個屋苑有大單位，但就喺青衣未開發嘅山邊。。。再睇下跟住幾年落成嘅居屋，大部分山卡啦新界盤，就會覺得今期居屋無一個屋苑真係差，火炭，馬鞍山，將軍澳係新界區但都唔算隔涉，馬鞍山更係最靚景嘅一個屋苑，將軍澳更坐落豪宅區，火炭暫時生活配套唔夠，但只要等隔離私人樓盤起好，就乜都有，交通仲係數一數二好。另外三個市區盤就更唔使講。今期居屋最細都有280呎左右，細細地都叫做可以間2個細房，住倒一家4口（兒童房放碌架床），交通上個個屋苑都可以步行至港鐵，今期抽倒真係無得輸，除非係三代同堂大家庭又抽倒好後。。。。
