晨7咁早,送完女返學後,試下由火炭站行去駿洋邨。我揀左B出口,沿城門河+山尾街一直行,到駿洋商場,時間係11:40秒,如果要計埋行到番自己屋企果座,自己加頭加尾加多5分鐘(不過依家無屋可入,所以實際幾多分鐘就計唔到,要大家入左伙先知)
由火炭去駿洋,係慢慢上緊山,所以山尾街後半截係會攰既,係小斜坡黎既,不過通常都係返屋企先斜上山,所以就唔係趕返工返學,就唔洗驚。返工返學時候,係由駿洋落斜去火炭站係舒服輕鬆既,所以趕得無咁辛苦。
當然,有巴士小巴到,所以大家完全唔洗擔心要行十幾分鐘既,我mark左好多號碼既車會經過,不過未整理,唔寫住。
環境:半條路係工業區,所以車多,經過既路空氣差dd,如果係駿洋商場過對面馬路,係早上返工時段係幾難過到馬路,係安全島過應該會會易d,不過你如果揀搭小巴,巴士出,就應該唔洗驚過哩條路。入到邨,空氣肯定清新,山上,自成一角,桂地街以下既先係工業區,所以,係屋企吸既空氣肯定清新,只係出街經過既路就要吸少少污氣咁囉。